Erteń elordada «Made in Astana» kórmesi ótedi
ASTANA. QazAqparat - 11 qyrkúıekte astanalyq 26 jas sýretshi ózderiniń úzdik týyndylaryn «Qulanshy» qazirgi zamanǵy óner ortalyǵynda «Made in Astana» kórmesinde kópshilik nazaryna usynatyn bolady.
Joba 6 jyldan beri iske asyrylyp keledi. Oǵan elimizdiń jas sýretshileri qatysady. Bul joly kórmege jas talanttardyń 70-den astam eńbegi qoıylady, onyń ishinde kórkemsýret, grafıka, fotosýret pen úshólshemdi ınstallıatsııa, Uly Otan soǵysyna arnalǵan týyndylar da bar. Kórmege Qazaq Ulttyq Óner ýnıversıtetiniń túlekteri men táýelsiz sýretshiler qatysady, dep habarlanǵan elorda ákimdiginiń resmı saıtynda.
