Erteń elordada Bus lane jobasynyń 4-shi kezeńin engizý bastalady
ASTANA. QazAqparat - Elordanyń kólik ınfraqurylymyn jańartý aıasynda EXPO-2017 halyqaralyq kórmesin ótkizý barysynda kólik qyzmetiniń sapasyn joǵarylatý jáne Astana qalasynyń qoǵamdyq kólik jolaýshylaryna jaǵdaı jasaý maqsatynda 29 sáýir - 1 maýsym aralyǵynda Bus lane jobasynyń 4-shi kezeńin engizý josparlanǵan, dep habarlaıdy ákimdiktiń baspasóz qyzmeti.
Avtobýstarǵa arnalǵan jolaqtar myna ýchaskelerde paıda bolady:
1) Respýblıka dańǵylynda - «Samal» shaǵyn aýdany aıaldamasynan Bógenbaı batyr dańǵylyna deıin;
2) Tashenov kóshesinde - Baraev kóshesinen Táýelsizdik dańǵylyna deıin;
3) Ahmet Baıtursynuly kóshesinde - Qoshqarbaev dańǵylynan Sarykól kóshesine deıin;
- Ahmet Baıtursynuly kóshesinde - Sarykól kóshesinen jańa Temirjol vokzalyna deıin;
4) Jumeken Nájimedenov kóshesinde - Sh. Qaldaıaqov kóshesinen Sarykól kóshesine deıin;
- Jumeken Nájimedenov kóshesinde -Sarykól kóshesinen jańa Temirjol vokzalyna deıin;
5) Saraıshyq kóshesinde - jolaıyryqtan Qabanbaı batyr dańǵylyna deıin;
6) Táýelsizdik dańǵylynda - Pýshkın kóshesinen Momyshuly dańǵylyna deıin;
7) Saryarqa dańǵylynda - Bógenbaı batyr dańǵylynan kópirge deıin;
8) Turan dańǵylynda - kópirden Syǵanaq kóshesine deıin;
9) Qabanbaı batyr dańǵylynda - Syǵanaq kóshesinen aınalma jolaıyryǵyna deıin;
10) Beıbitshilik kóshesinde - Esenberlın kóshesinen Bógenbaı batyr dańǵylyna deıin;
11) Maǵjan Jumabaev dańǵylynda - Qajymuqan kóshesinen Qoshqarbaev dańǵylyna deıin;
12) Orynbor kóshesinde - Sh. Aıtmatov kóshesinen Turan dańǵylyna deıin.
Astana ýchaskelerindegi qoǵamdyq kólikke bólingen jolaqtardyń jalpy qashyqtyǵy 40,6 km.
Bus lane jobasyn engizý qoǵamdyq kóliktiń keptelisterde turýy, qoǵamdyq kóliktiń júris kestesinen keshigýi, ýaqyt aralyǵy men júris kestesin buzý, jalpy aǵynda qoǵamdyq kólikti basqarýdyń qıyndyǵy sııaqty máselelerdi sheshýge múmkindik beredi.
Mamandardyń tujyrymyna sáıkes atalǵan jańa engizilim júris kestesin retteýge, keste ýaqytyn buzýshylyqtar sanyn tómendetýge, avtobýs júrgizýshileriniń tártibin jaqsartýǵa, júris qaýipsizdigin arttyrýǵa múmkindik beredi.
Aıta keteıik, buǵan deıin Bus lane jobasynyń 3 kezeńi iske asyryldy. Úsh kezeńdi engizgennen soń qoǵamdyq kóliktiń ortasha jyldamdyǵy 12-15 %-ǵa artty.
