Erteń elordada Búkilálemdik tutynýshylar quqyǵyn qorǵaý kúnine arnalǵan dóńgelek ústel otyrysy ótedi

ASTANA. 14 naýryz. QazAqparat - Erteń elordada Búkilálemdik tutynýshylar quqyǵyn qorǵaý kúnine arnalǵan dóńgelek ústel otyrysy ótedi, - dep habarlaıdy Indýstrııa jáne jańa tehnologııalar mınıstrliginiń baspasóz qyzmeti.

Otyrys barysynda memlekettik organdar men qoǵamdyq uıymdardyń tutynýshylardyń  quqyqtaryn  qorǵaý  baǵytyndaǵy  birlesken qımyldarynyń problemalary men perspektıvalary sóz bolady. Sonymen qatar otyrysta Tehnıkalyq retteý jáne metrologııa komıteti men Qazaqstannyń ulttyq tutynýshylar lıgasynyń arasynda Birlesken jumystar jónindegi memorandýmyna qol qoıylady dep kútilýde.

Otyrysqa Indýstrııa jáne jańa tehnologııalar mınıstri Áset Isekeshev, Májilis depýtaty, Qazaqstannyń ulttyq tutynýshylar lıgasynyń prezıdenti Svetlana Romanovskaıa, tehnıkalyq retteý jáne metrologııa komıteti tóraǵasynyń orynbasary Ǵalymjan Dýgalov, Densaýlyq saqtaý mınıstrliginiń Sanıtarlyq-epıdemıologııalyq qadaǵalaý komıtetiniń tóraǵasy Dandarbek Bekshın, sondaı-aq aýyl sharýashylyǵy mınıstrligi men Básekelestikti qorǵaý agenttiginiń ókilderi qatysady dep kútilýde.