Erteń elordada bos jumys oryndar jármeńkesi ótedi
ASTANA. 3 qyrkúıek. QazAqparat - Erteń, 4 qyrkúıekte saǵat 10.00-13-00 aralyǵynda Astanadaǵy «Artem» saýda ortalyǵy ǵımaratynda Bos jumys oryndar jármeńkesi ótedi. Bul týraly qalalyq Jumyspen qamtý jáne áleýmettik baǵdarlamalar basqarmasynan habarlady.
«Jármeńkeniń negizgi mindetteri - azamattardy jumyspen qamtýǵa járdemdesý, olarǵa áleýmettik qorǵaý sharalary týraly, sondaı-aq eńbek naryǵyndaǵy ahýal jónindegi aqparattar usyný», - delingen aqparatta.
Elordanyń resmı saıtynyń jazýynsha, sonymen qatar jármeńkede Astana qalasynyń Jumyspen qamtý jáne áleýmettik baǵdarlamalar basqarmasynyń mamandary ár túrli máseleler boıynsha keńester beredi, qaıta oqytý jáne jańa mamandyq alýdyń múmkindikteri, oqý oryndarynyń túlekterine jastar tájirıbesinen ótý múmkindikteri týraly aıtylady. Astana qalasy Eńbek ınspektsııasy jónindegi basqarmanyń qyzmetkerleri qaýipsizdik jáne eńbekti qorǵaý máseleleri boıynsha keńester beredi, al Zeınetaqy tóleý memlekettik ortalyǵy (ZTMO) zeınetaqy men járdemaqy alýǵa qujattardy jınaý tártibi týraly aıtady.
