Erteń elordada birneshe kóshe jóndeýge jabylady
ASTANA. QazAqparat – Ortasha deńgeıdegi jol jóndeý jumystaryna baılanysty elordada birneshe kóshe jabylady. Bul týraly QazAqparat tilshisi Astana qalalyq Kólik jáne jol-kólik ınfraqurylymyn damytý baskarmasynyń baspasóz qyzmetine silteme jasap habarlaıdy.
Málim bolǵandaı, 10 maýsymnan bastap myna baǵyttaǵy joldar ishinara jáne tolyq jabylady:
1. Jeńis dańǵyly 10-12 maýsym aralyǵynda S.Seıfýllın – Jeńis jáne Á.Jangeldın – Jeńis kósheleriniń qıylysynda kólik qozǵalysy kezeń-kezeńimen jabylady.
2. Turan dańǵylynda 10-20 maýsym aralyǵynda Saraıshyq kóshesinen bastap Qorǵaljyn tasjolyna deıingi ýchaskede kólik qozǵalysyna ishinara shekteý qoıylady.
3. A.Toqpanov kóshesinde 10-12 maýsym aralyǵynda Sargúl kóshesinen bastap Sovremennıkov kóshesine deıin jáne V.Vysotskııden G.Álıevke deıingi aralyqta kólik qozǵalysyna ishinara tyıym salynady.
4. Birjan Sal kóshesinde 10-13 maýsym aralyǵynda І.Esenberlın kóshesinen bastap V.Getege deıingi ýchaske tolyq jabylady.
5. Máńgilik el dańǵylynda 11-20 maýsym aralyǵynda Á.Kekilbaev kóshesinen F.Ońǵarsynova kóshesine deıingi ýchaskede kólik qozǵalysyna ishinara shekteý qoıylady.
Qalalyq basqarma keptelisti boldyrmaý maqsatynda elordalyqtarǵa óz marshrýtyn aldyn ala josparlap, osy shekteýlerdi eskerýge shaqyrdy.
