Erteń elordada Almaty oblysynyń kúnderi bastalady
ASTANA. 24 qazan. QazAqparat /Sandýǵash Dúısenova/ - Astanada 25-26 qazan aralyǵynda Almaty oblysynyń kúnderi ótkiziledi.
Almaty oblysynyń kúnderi aıasynda Astanadaǵy «Jastar» saraıy aýmaǵynda Almaty oblysy men onyń barlyq 19 aýdanynyń aýyl sharýashylyǵy taýarlaryn óndirýshileriniń aýyl sharýashylyq jármeńkesi, sonymen qatar kúzgi almalar festıvali ótkiziledi.
Jármeńkede 177,2 mln. teńgege aýyl sharýashylyǵy ónimderiniń 50-den astam túri satylady, onyń ishinde 90,5 tonna et ónimderi, 160 tonna kókónis, 74 tonna jemis, 100 tonna kartop, 0,5 tonna sút ónimderi, 2,1 tonna ulttyq ónimder, 20 tonna balyq ónimderi men 190 tonna ózge de taýarlar bar. Taýarlar Astana qalasynyń kóterme jáne kommýnaldyq bazarlarynyń baǵasynan 15-20 paıyz tómen baǵada satylady.
Sonymen qatar, aımaqtar kúni aıasynda elordalyqtar nazaryna túrli mádenı sharalar da kóptep usynylady.
Mádenı baǵdarlamanyń qorytyndysynda Beıbitshilik jáne kelisim saraıynda úsh oblystyń óner sheberleriniń gala-kontserti ótedi.
