Erteń elorda turǵyndary #Birge #TazaQazaqstan tazalyq aktsııasyna qatysady
NUR-SULTAN. QazAqparat – Erteń elorda turǵyndary #Birge #TazaQazaqstan tazalyq aktsııasyna qatysady, dep habarlaıdy elorda ákimdiginiń resmı saıty.
Ondaǵy málimetterge qaraǵanda, qorshaǵan ortany tazartýǵa arnalǵan «Birge - Taza Qazaqstan» respýblıkalyq ekologııalyq aktsııasyna qyzyǵýshylyq tanytqan azamattardyń keńinen qatysýyna baılanysty qala ákimi Altaı Kólginov qosymsha eki oryndy - Maıbalyq kóli men Vıacheslav sý qoımasyn qosýdy usyndy,
Olarmen qatar 27 shildede elordada aktsııa aıasynda Esil jáne Qarasý ózenderiniń jaǵalaýlaryn tazartý jumystary júrgiziletin bolady. 1500-den astam tabıǵat janashyrlarynyń qatysýy josparlanǵan. Qatysqysy keletinderdiń barlyǵyna Nur-Sultan qalasynyń ákimdigi saǵat 9.00-de B.Momyshuly dańǵyly, 1 mekenjaıy boıynsha ornalasqan «Astana Music Hall» meıramhanasynyń turaǵynda otyrǵyzý júrgiziledi.
«Aktsııanyń bastalýy - 10.00. Barlyq astanalyqtardy jaqyndary, balalarymen birge kelip, týǵan qalalarynyń ıgiligin kórýge shaqyramyz!», delingen habarlamada.
Aıta keteıik, osyǵan deıin Memleket basshysy Ekologııa, geologııa jáne tabıǵı resýrstar mınıstri Maǵzum Myrzaǵalıevti qabyldap, halyqtyń ekologııalyq mádenıettiligin arttyrýǵa jáne qorshaǵan ortany qorǵaý jumystaryna eriktilerdi tartý jóninde tapsyrma bergen bolatyn.
Artynsha mınıstrliktiń bastamasymen #Birge #TazaQazaqstan ekologııalyq aktsııasy jarııalanyp, atalmysh aktsııa aıasyndaǵy sharalarǵa Úkimet basshysy Asqar Mamın de qatysqan bolatyn.
«Men bul aktsııa búkil Qazaqstan boıynsha jalǵasatynyna senimdimin. Bul jobany Qazaqstan aımaqtarynda damytýǵa shaqyramyn. Aktsııa jalpyhalyqtyq sıpat alyp, eldegi ekologııalyq jaǵdaıdyń jaqsarýyna jol ashady dep senemin», - dedi Asqar Mamın.
