Erteń elimizdiń úsh qalasynda oqýshylar qashyqtan bilim alady

ASTANA. KAZINFORM — Astana, Óskemen jáne Qyzylordada oqýshylar aýa raıynyń qolaısyzdyǵyna baılanysty onlaın formatta oqıdy, dep habarlaıdy qalalyq bilim basqarmalary.

26 aqpanda Astanada 0-9 synyp oqýshylary úshinshi kún qatarynan úıde oqıdy.

— 2026 jylǵy 26 aqpan kúni aýa raıynyń qolaısyzdyǵyna (aýa temperatýrasynyń tómendeýine) baılanysty birinshi aýysymnyń 0-9 synyp oqýshylary qashyqtan oqytý formatyna aýystyrylady, — delingen habarlamada.

Sonymen qatar, Óskemen qalasynda qatty aıazǵa baılanysty (-40) 1-2 aýysymdaǵy 0-11 synyptar qashyqtan oqytýǵa kóshiriletini belgili boldy.

Budan bólek, Qyzylorda qalasynda 11-synypqa deıingi oqýshylar onlaın formatta bilim alatyny aıtyldy.

— Aýa raıynyń qolaısyzdyǵyna baılanysty 2026 jyldyń 26 aqpany kúni 0-11 synyp oqýshylary ýaqytsha onlaın oqý formatyna kóshetinin habarlaımyz. Balalardyń qaýipsizdigin qamtamasyz etý maqsatynda Qyzylorda qalasy boıynsha bilim bólimine qarasty barlyq jalpy orta bilim berý uıymdary (menshik nysanyna qaramaı) qashyqtan oqytylady, — delingen taratylǵan aqparatta.

Buǵan deıin «Qazgıdromet» RMK sınoptıkteri erteń, 25 aqpanda eldiń birneshe óńirinde qolaısyz aýa raıyna baılanysty eskertý jasaǵanyn jazǵan edik.