Erteń elimizdiń basym bóliginde aýa raıy qubylmaly bolady
ASTANA. KAZINFORM — 5 shilde kúni aýa raıyna baılanysty búkil el boıynsha eskertý jarııalandy.
Shyǵys Qazaqstan oblysynda 5 shildege qaraǵan túni oblystyń shyǵysynda, ońtústiginde jáne ortalyǵynda jańbyr jaýyp, naızaǵaı oınaıdy. Kúndiz jańbyr men naızaǵaı saqtalyp, oblystyń soltústigi men shyǵysynda keı jerlerde qatty jańbyr, burshaq jáne daýyl kútiledi.
Túnde oblystyń soltústiginde tuman bolady. Batystan, soltústik-batystan soǵatyn jel kúndiz oblystyń soltústiginde, shyǵysynda jáne ońtústiginde sekýndyna 15-20 metrge deıin, ekpini 23 metrge deıin jetedi. Oblystyń shyǵysy men ońtústiginde, soltústik-batysy men ortalyǵynda órt qaýpi saqtalady.
Atyraý oblysynda kúndiz oblystyń batysynda ótkinshi jańbyr men naızaǵaı kútiledi. Aýa temperatýrasy 35-37 gradýsqa deıin kóteriledi. Oblystyń batysynda joǵary, ońtústiginde tótenshe órt qaýpi saqtalady.
Aqtóbe oblysynda kúndiz oblystyń soltústik-batysynda ótkinshi jańbyr men naızaǵaı bolady. Oblystyń ońtústik-batysynda aptap ystyq 35 gradýsqa jetedi.
Batys Qazaqstan oblysynda kúndiz oblystyń batysynda ótkinshi jańbyr men naızaǵaı kútiledi. Ońtústik-batystan jáne ońtústikten soǵatyn jeldiń ekpini oblystyń batysy men ońtústiginde sekýndyna 15-20 metrge deıin kúsheıedi. Kúndiz aýa temperatýrasy 35 gradýsqa deıin kóteriledi.
Qostanaı oblysynda oblystyń soltústiginde, shyǵysynda jáne ońtústiginde jańbyr jaýyp, naızaǵaı oınaıdy. Túnde jáne tańerteń oblystyń batysy men shyǵysynda tuman kútiledi.
Pavlodar oblysynda 5 shildege qaraǵan túni oblystyń batysy men ońtústiginde jańbyr, naızaǵaı bolady. Kúndiz jańbyr men naızaǵaı saqtalyp, oblystyń batysy men ońtústiginde qatty jańbyr, burshaq jáne daýyl kútiledi. Ońtústik-batystan soǵatyn jeldiń ekpini oblystyń batysynda, ońtústiginde jáne shyǵysynda sekýndyna 15-20 metrge jetedi.
Oblystyń batysy men ońtústiginde joǵary, ońtústik-shyǵysynda tótenshe órt qaýpi saqtalady.
Jambyl oblysynda taýly aýdandarda jańbyr jaýyp, naızaǵaı oınaıdy. Ońtústik-batystan soǵatyn jeldiń ekpini sekýndyna 15-20 metrge deıin jetedi. Oblystyń batysy men soltústiginde joǵary, soltústik-shyǵysynda tótenshe órt qaýpi saqtalady.
Astanada ótkinshi jańbyr, naızaǵaı, kúndiz burshaq kútiledi. Jeldiń ekpini sekýndyna 15-20 metrge deıin kúsheıedi.
Soltústik Qazaqstan oblysynda jańbyr jaýyp, naızaǵaı bolady. Oblystyń batysynda, soltústiginde jáne ońtústiginde qatty jańbyr, burshaq jáne daýyl kútiledi. Túnde jáne tańerteń tuman bolady. Soltústik-batystan soǵatyn jeldiń ekpini oblystyń batysy men ońtústiginde sekýndyna 15-20 metrge jetedi.
Qyzylorda oblysynda oblystyń ortalyǵynda tótenshe, shyǵysynda joǵary órt qaýpi saqtalady. Qyzylorda qalasynda da tótenshe órt qaýpi saqtalady.
Ulytaý oblysynda kúndiz oblystyń soltústigi men shyǵysynda jańbyr jaýyp, naızaǵaı oınaıdy. Oblystyń ortalyǵynda joǵary, ońtústiginde tótenshe órt qaýpi saqtalady. Jezqazǵanda joǵary órt qaýpi saqtalady.
Qaraǵandy oblysynda jańbyr men naızaǵaı kútiledi. Kúndiz oblystyń soltústigi men shyǵysynda jańbyr men burshaq bolady. Jeldiń ekpini oblystyń ońtústik-shyǵysynda sekýndyna 15 metrge deıin jetedi. Oblystyń soltústiginde joǵary, batysynda tótenshe órt qaýpi saqtalady. Qaraǵandy qalasynda jańbyr men naızaǵaı kútiledi.
Túrkistan oblysynda oblystyń soltústigi men taýly aýdandarynda ótkinshi jańbyr, naızaǵaı bolady. Jeldiń ekpini sekýndyna 15-20 metrge deıin jetedi. Oblys boıynsha joǵary órt qaýpi saqtalady. Oblystyń batysynda tótenshe órt qaýpi saqtalyp, soltústiginde kútiledi.
Almaty oblysynda túnde jańbyr, naızaǵaı kútiledi. Oblystyń ońtústigi men taýly aýdandarynda keı jerlerde qatty jańbyr, burshaq jáne daýyl bolady. Kúndiz de osy óńirlerde jańbyr men naızaǵaı jalǵasady. Jeldiń ekpini oblystyń ońtústiginde, shyǵysynda jáne taýly aýdandarynda sekýndyna 15-20 metrge deıin kúsheıedi. Oblystyń soltústiginde tótenshe órt qaýpi saqtalady.
Almaty qalasynda túnde jańbyr jaýyp, naızaǵaı oınaıdy.
Jetisý oblysynda túnde oblystyń ońtústiginde, shyǵysynda, ortalyǵynda jáne taýly aýdandarynda jańbyr, naızaǵaı kútiledi. Taýly aımaqtarda keı jerlerde qatty jańbyr bolady. Túnde jáne tańerteń taýly aýdandarda tuman túsedi. Jeldiń ekpini oblystyń shyǵysy men taýly aýdandarynda sekýndyna 15-20 metrge deıin, Alakól kólderi mańynda 23-28 metrge deıin kúsheıedi. Oblystyń soltústiginde, shyǵysynda jáne ońtústiginde tótenshe órt qaýpi saqtalady. Taldyqorǵan qalasynda túnde jańbyr men naızaǵaı kútiledi.
Mańǵystaý oblysynda kúndiz aptap ystyq 38-39 gradýsqa deıin jetedi.
Aqmola oblysynda jańbyr, naızaǵaı kútiledi. Oblystyń batysynda, soltústiginde jáne shyǵysynda qatty jańbyr, burshaq jáne daýyl bolady. Jeldiń ekpini sekýndyna 15-20 metrge deıin, kúndiz 23 metrge deıin jetedi. Oblystyń shyǵysynda tótenshe órt qaýpi saqtalady.
Abaı oblysynda túnde oblystyń batysynda, soltústiginde jáne ońtústiginde jańbyr, naızaǵaı bolady. Kúndiz jańbyr men naızaǵaı jalǵasyp, oblystyń batysy men soltústiginde qatty jańbyr, burshaq jáne daýyl kútiledi. Jeldiń ekpini sekýndyna 15-20 metrge deıin, keı jerlerde 25 metrge deıin jetedi. Oblystyń batysynda, soltústiginde jáne ońtústik-shyǵysynda tótenshe órt qaýpi saqtalady.
