Erteń elimizdiń basym aýmaǵynda aýa raıy turaqsyz bolady - Qazgıdromet
ASTANA. 27 qyrkúıek. QazAqparat - Erteń atmosferalyq aǵymdardyń ótýine baılanysty elimizdiń basym aýmaǵynda aýa raıy turaqsyz bolady dep kútilýde, keı jerlerde jańbyr jaýyp, ekpindete jel soǵady.
Al respýblıkanyń batysy men ońtústik-batysynda aýa raıy jaýyn-shashynsyz bolady, dep habarlady QR TJM baspasóz qyzmeti Qazgıdrometke silteme jasap.
Soltústik Qazaqstan, Shyǵys Qazaqstan, kúndiz Aqtóbe, Qostanaı, Aqmola oblystarynyń keı jerlerinde 15-20 m/s jyldamdyqpen jel soǵady.
Qostanaı oblysynyń keı jerlerin tuman basady.
Aqmola, Batys Qazaqstan, Aqtóbe, Qostanaı, Pavlodar oblystarynda keı jerlerde kún 0-2 gradýsqa deıin sýytady.
Respýblıkanyń ońtústik jáne ońtústik-shyǵysynda joǵary órt qaýpi saqtalady.
Aldaǵy táýlikterde Batys Altaıdyń jekelegen ózenderinde yqtımal jańbyrǵa baılanysty sý deńgeıiniń artýy múmkin.
