Erteń eldiń basym bóliginde qar jaýyp, borandatady

ASTANA. KAZINFORM – Qazaqstannyń 16 oblysy men elordada 19 jeltoqsanǵa aýa raıynyń qolaısyzdyǵyna baılanysty eskertý jarııalandy.

Sınoptıkterdiń boljamyna sáıkes, Astanada kúndiz qar jaýyp, jaıaý boran bolady, jolda kóktaıǵaq bolady. Jel ońtústik-batystan soǵyp, kúndiz ekpini 15–20 m/s-qa deıin jetedi.

Túrkistan oblysynyń taýly aýdandarynda kóktaıǵaq kútiledi. Oblystyń batysynda, ońtústiginde jáne taýly aımaqtarynda tuman túsedi. Shymkent pen Túrkistan qalalarynda tuman bolady.

Qostanaı oblysynyń soltústigi men ońtústigin tuman basady.

Ulytaý oblysynda túnde soltústikte, batysta, kúndiz soltústikte jáne shyǵysta azdaǵan qar, jaıaý boran bolady.

Qaraǵandy oblysynyń batysy men soltústiginde tańerteń jáne kúndiz azdaǵan qar jaýyp, boran soǵady. Jel ońtústik-batystan soǵyp, kúndiz oblystyń batysy men soltústiginde 15–18 m/s-qa deıin kúsheıedi.

Atyraý oblysynyń batysynda, soltústiginde jáne shyǵysynda kóktaıǵaq bolady. Oblystyń ońtústigi men shyǵysynda tuman kútiledi.

Qostanaı oblysynda túnde soltústikte, batysta jáne ońtústikte qar, boran jáne kóktaıǵaq bolady. Jel ońtústik-batystan soǵyp, oblystyń soltústiginde, shyǵysynda jáne ońtústiginde ekpini 15–20 m/s-qa deıin jetedi.

Qyzylorda oblysynyń ortalyǵynda tuman bolady.

Aqtóbe oblysynda kóktaıǵaq bolady. Oblystyń soltústigi men batysynda tuman túsedi.

Jambyl oblysynda túnde ońtústikte jáne taýly aýdandarda, kúndiz taýly aımaqtarda qar jaýyp, borandatady. Keı jerlerde tuman men kóktaıǵaq bolady. Jel soltústik-shyǵystan soǵyp, taýly aýdandarda 15–20 m/s-qa deıin kúsheıedi.

Abaı oblysynda túnde soltústikte, shyǵysta jáne ońtústikte qar jaýady. Oblystyń soltústigi men ortalyǵynda boran, al ońtústigi men shyǵysynda tuman bolady. Jel ońtústik-shyǵystan jáne ońtústikten soǵyp, soltústik pen ortalyqta 15–20 m/s, kúndiz ekpini 23 m/s-qa deıin jetedi.

Shyǵys Qazaqstan oblysynda túnde qar, kúndiz oblystyń soltústigi men shyǵysynda azdaǵan qar jaýady. Kúndiz soltústik pen shyǵysta boran bolady. Jel ońtústik-shyǵystan soǵyp, kúndiz ekpini 15–20 m/s-qa deıin jetedi.

Mańǵystaý oblysynyń batysynda, soltústiginde jáne ortalyǵynda kóktaıǵaq kútiledi. Oblystyń batysy men ortalyǵynda tuman bolady.

Batys Qazaqstan oblysynyń batysynda, soltústiginde jáne shyǵysynda jaýyn-shashyn (jańbyr, qar), boran jáne kóktaıǵaq kútiledi. Oblystyń batysynda, ońtústiginde jáne soltústiginde tuman túsedi. Jel ońtústik-batystan soǵyp, soltústik pen shyǵysta soltústik-batysqa aýysady, ekpini 15–20 m/s.

Soltústik Qazaqstan oblysynda túnde batysta, soltústikte jáne ońtústikte kúndiz qar jaýyp, borandatady. Oblystyń batysynda tuman, kúndiz kóktaıǵaq bolady. Jel ońtústik-batystan soǵyp, túnde oblystyń batysy, soltústigi jáne ońtústiginde 15–20 m/s, kúndiz 15–20 m/s, al batysy men ońtústiginde ekpini 25 m/s-qa deıin jetedi.

Pavlodar oblysynyń batysy men soltústiginde kúndiz qar, boran kútiledi. Jel ońtústik-batystan soǵyp, ekpini 15–20 m/s-qa deıin jetedi.

Aqmola oblysynda túnde batysta, soltústikte jáne ońtústikte azdaǵan qar, tómengi boran, kúndiz qar, boran jáne kóktaıǵaq kútiledi. Jel ońtústik-batystan soǵyp, túnde oblystyń batysy men soltústiginde 15–20 m/s, kúndiz 15–20 m/s, al batysy, soltústigi jáne shyǵysynda keı ýaqyttarda 25 m/s-qa deıin kúsheıedi.

Almaty oblysynyń ońtústiginde jáne taýly aýdandarynda kóktaıǵaq pen tuman bolady. Jel soltústik-batystan soǵyp, soltústik-shyǵysqa aýysady, oblystyń ońtústigi men taýly aımaqtarynda ekpini 18 m/s-qa deıin jetedi. Almaty qalasynda da mezgil-mezgil kóktaıǵaq pen tuman bolady.

Aıta ketelik aýa raıyna baılanysty eki oblysta jol jabyldy.