Erteń elde jańbyr, qar, tuman túsip, jel kúsheıedi
ASTANA. KAZINFORM — 17 qazanda Qazaqstannyń birqatar óńirinde aýa raıyna baılanysty eskertý jarııalandy. Sınoptıkter jańbyrdyń qarǵa ulasýyn, tuman, kóktaıǵaq, shańdy daýyl bolyp, jeldiń kúsheıýin boljady. Bul týraly Kazinform agenttigi «Qazgıdromet» RMK baspasóz qyzmetine silteme jasap habarlady.
Aqmola oblysynda túnde jáne tańerteń oblystyń batysy men soltústiginde tuman túsedi. Ońtústik-batystan soqqan jel soltústik-batysqa aýysady. Oblystyń soltústigi men shyǵysynda jel ekpini 15–20 m/s-qa jetedi.
Aqtóbe oblysynda shyǵystan jáne ońtústik-shyǵystan jel soǵady. Kúndiz oblystyń batysy men ońtústiginde jel ekpini 15 m/s-qa deıin kúsheıedi. Óńirdiń shyǵysynda órt shyǵý qaýpi joǵary, al batysynda, ońtústiginde jáne ortalyǵynda tótenshe órt qaýpi saqtalady.
Abaı oblysynda kúndiz oblystyń batysynda, soltústiginde jáne ortalyǵynda jańbyr men qar jaýyp, kóktaıǵaq bolady. Túnde jáne tańerteń keı jerlerde tuman túsedi. Kúndiz jel ekpini 15–20 m/s-qa jetedi.
Almaty oblysynda túnde 1–6 gradýs aıaz bolady. Almatyda topyraq betinde 1–3 gradýs, Qonaevta da 1–3 gradýs aıaz kútiledi.
Atyraý oblysynda kúndiz shańdy daýyl soǵyp, jel ekpini 15–20 m/s-qa jetedi. Órt qaýpi joǵary, keı jerlerde tótenshe deńgeıde bolady. Atyraý qalasynda da shańdy daýyl kútiledi.
Jambyl oblysynda túnde jáne tańerteń taýly aýdandarda tuman túsedi. Oblystyń ońtústik-batysynda, soltústik-shyǵysynda jáne taýly aýdandarynda soltústik-shyǵystan soqqan jeldiń ekpini 15–20 m/s-qa deıin kúsheıedi. Túnde jáne tańerteń jel ekpini 23–28 m/s-qa jetýi múmkin. Túnde oblystyń batysy men shyǵysynda 2 gradýsqa deıin úsik júredi.
Qostanaı oblysynda túnde jáne tańerteń oblystyń batysy men soltústiginde tuman túsedi. Óńirdiń ońtústiginde órt qaýpi joǵary deńgeıde saqtalady.
Qyzylorda oblysynda kúndiz oblystyń shyǵysy men ortalyǵynda shańdy daýyl soǵady. Soltústik-shyǵystan soqqan jeldiń ekpini 15–20 m/s-qa jetedi. Oblys boıynsha tótenshe órt qaýpi, soltústiginde órt qaýpiniń joǵary deńgeıi saqtalady. Qyzylorda qalasynda da kúndiz shańdy daýyl soǵyp, jel ekpini 15–20 m/s-qa deıin kúsheıedi. Qalada tótenshe órt qaýpi saqtalady.
Mańǵystaý oblysynyń batysynda, soltústiginde jáne ortalyǵynda shańdy daýyl kútiledi. Ońtústik-shyǵystan jel soǵyp, keı jerlerde ekpini 15–20 m/s-qa jetedi. Óńirdiń ortalyǵynda órt qaýpi joǵary deńgeıde saqtalady. Aqtaý qalasynda kúndiz ońtústik-shyǵystan soqqan jeldiń ekpini 15–20 m/s-qa deıin kúsheıedi.
Ulytaý oblysynda túnde jáne tańerteń oblystyń soltústigi men shyǵysynda tuman túsedi. Óńirdiń batysynda, ońtústiginde jáne ortalyǵynda tótenshe órt qaýpi saqtalady. Jezqazǵan qalasynda da tótenshe órt qaýpi bar.
Pavlodar oblysynda tuman túsedi. Kúndiz óńirdiń batysy men ońtústiginde batystan soqqan jeldiń ekpini 15–20 m/s-qa deıin kúsheıedi. Pavlodar qalasynda da tuman kútiledi.
Soltústik Qazaqstan oblysynda túnde jańbyr men qar túrinde jaýyn-shashyn túsedi. Oblystyń ońtústiginde kóktaıǵaq bolady. Túnde jáne tańerteń óńirdiń batysynda, soltústiginde jáne ońtústiginde tuman túsedi. Batystan jáne soltústik-batystan soqqan jeldiń ekpini keı jerlerde 15–20 m/s-qa jetedi. Petropavlda túnde jańbyr qarǵa ulasady, tańerteń tuman túsedi.
Túrkistan oblysynyń taýly aýdandarda tuman túsedi. Túnde jáne tańerteń oblystyń batysynda, sondaı-aq taýly jáne taý bókterindegi aýdandarda soltústik-shyǵystan soqqan jeldiń ekpini 15–20 m/s-qa deıin kúsheıedi. Shymkentte túnde soltústik-shyǵystan soqqan jeldiń ekpini 15–20 m/s-qa jetedi. Túrkistan qalasynda da túnde jel ekpini 15–20 m/s-qa deıin kúsheıedi.
Shyǵys Qazaqstan oblysynda túnde qar jaýyp, kóktaıǵaq bolady. Kúndiz jańbyr men qar aralas jaýyn-shashyn túsip, kóktaıǵaq kútiledi. Keı jerlerde tuman túsip, jel ekpini 15–20 m/s-qa jetedi.
Batys Qazaqstan oblysynda azdaǵan jańbyr jaýady. Kúndiz naızaǵaı oınap, shańdy daýyl soǵady. Keı jerlerde tuman túsip, jel ekpini 15–20 m/s-qa deıin kúsheıedi.
Qaraǵandy oblysynda túnde jáne tańerteń tuman túsedi. Kúndiz keı jerlerde jel ekpini 15 m/s-qa jetedi. Oblystyń batysynda tótenshe órt qaýpi saqtalady.
Jetisý oblysynda túnde 3–8 gradýs aıaz bolady. Taldyqorǵanda 6–8 gradýs aıaz kútiledi.
Buǵan deıin Qazaqstanda qazan aıy ádettegiden jyly bolady. Qarashada aýa temperatýrasy qalypty kórsetkishten taǵy da joǵary bolýy múmkin. Ekologııa jáne tabıǵı resýrstar mınıstri Álibek Qýantyrov Úkimette aldaǵy aýa raıy boljamyn aıtty.
