Ǵalymdar balalar arasynda keń taraǵan gıpertonııa dertine alańdaýly

ASTANA. KAZINFORM — Álemde balalar arasyndaǵy joǵary qan qysymy (gıpertonııa) jaǵdaılarynyń sany artyp keledi, dep jazdy Kabar agenttigi Lancet portalyna silteme jasap.

«Balalar gıpertonııasy kóptegen balalardyń aǵzasyn zaqymdap otyr jáne bul kórsetkish ósip bara jatyr», — dep habarlaıdy basylym.

Ǵalymdar bul úrdisti ómir saltynyń nasharlaýymen jáne semizdik jaǵdaılarynyń ósýimen baılanystyrady. Zertteý avtorlary 443 914 balany qamtyǵan maqalalardy taldaǵan kezde 2000 jyldan 2020 jylǵa deıin balalar gıpertonııasynyń taralýy eki esege jýyq óskenin anyqtaǵan: uldarda 3,4%-dan 6,53%-ǵa deıin, qyzdarda 3,02%-dan 5,82%-ǵa deıin.

Ispanııa kardıologtar qoǵamynyń prezıdenti Ignasıo Fernandes Losano zertteý nátıjelerine pikir bildirip, bul kórsetkishterdiń mamandardyń tájirıbesinde burynnan baıqaǵan nárselerin rastaıtynyn aıtty.

— Bul alańdaýshylyq týǵyzady, sebebi balalar men jasóspirimderdiń júrek-qan tamyrlarynyń jaǵdaıy turaqty túrde nasharlap bara jatyr. Gıpertonııa — eresekter aýrýy, al ony osyndaı jas kezinde shaldyǵý alańdaýshylyq týdyrady, — dedi ol.

Arterıaldy gıpertenzııa — sıstolalyq qan qysymy (SQQ) 140 mm s.b.b. jáne odan joǵary, jáne bir ýaqytta nemese jeke túrde dıastolalyq qan qysymy (DQQ) ≥ 90 mm s.b.b. bolatyn sındrom. Dúnıejúzilik densaýlyq saqtaý uıymynyń (DDU) málimetine sáıkes, 2020 jyldyń sońynda álemde 1,13 mıllıard adamda gıpertonııa bar, olardyń shamamen 40%-y aýrýlary týraly bilmeıdi, tek 10%-y ǵana em alyp jatyr.

Al Batys Qazaqstanda kókjótelmen aýyrǵan 18 balanyń deni ekpe almaǵany beligili boldy.