Erteń eki óńirde 41-42 gradýs ystyq bolady
NUR-SULTAN. QazAqparat – Sársenbide aptap ystyq bolady, kúshti jel soǵyp, jaýyn nemese burshaq jaýady. Qazgıdromet óńirlerdegi aýa raıyna qatysty osyndaı ekertý jarııalady, dep habarlaıdy QazAqparat.
Sınoptıkterdiń boljaýynsha, 7 tamyzda tańerteń jáne kúndiz Qyzylorda oblysynda soltústik shyǵystan, soltústikten jel soǵady, kúshi keı jerlerde 15-20 m/s jetedi. Kúndiz keı jerlerde shańdy daýyl soǵady, ońtústik aýdandarda 41°S qatty ystyq saqtalady.
7-8 tamyzda kundiz Almaty oblysynyń keı jerlerinde 42 gradýs óte qatty ystyq bolady.
Túnde jáne tańerteń 7 tamyzda Qostanaı oblysynda keı jerlerińde naızaǵaı kútiledi. Ońtústik-batystan, batystan jel soǵady, kúshi keı jerlerinde 15-20 m/s kútiledi.
Qostanaı qalasynda 7 tamyzda kúndiz ońtústik batystan, batystan jel soǵady, ekpini 18 m/s jetedi.
7-8 tamyzda Soltústik Qazaqstan oblysynda keı jerlerde naızaǵaı, daýyl, burshaq kútiledi. Batystan jel soǵady, keı jerlerde ekpini 15-20 m/s jetedi.
Petropavl qalasynda 7-8 tamyzda naızaǵaı, kúndiz daýyl, burshaq kútiledi. Batystan jel soǵady, kúndiz ekpini 15-20 m/s jetýi yqtımal.
