Erteń - Donorlardyń dúnıejúzilik kúni
ASTANA. 13 maýsym. QazAqparat - Erteń - Donorlardyń dúnıejúzilik kúni. 2005 jyly Jenevada Dúnıejúzilik densaýlyq saqtaý assambleıasynyń 58-shi sessııasynda (WHA58.13 qararymen) bekitilgen bul ataýly kún jyl saıyn maýsymnyń 14-inde ótkiziledi.
Donor latynsha «donare» - «syılaý» degen maǵyna bildiredi.
1868 jyly dál osy kúni avstrııalyq dáriger, ımmýnolog Karl Landshteıner týǵan. Ol 1930 jyly adam qany toptaryn ashqany úshin Nobel syılyǵyn alǵan ataqty ǵalym.
Dúnıejúzilik densaýlyq saqtaý uıymy, Halyqaralyq Qyzyl Krest jáne Qyzyl Aı federatsııasy, Halyqaralyq qan ótkizýshiler uıymdary federatsııasy jáne Halyqaralyq qan quıý jónindegi qoǵam 14 maýsymdy Donorlardyń dúnıejúzilik kúni retinde atap ótý jáne bul kúni erikti ári tegin qan tapsyrý týraly bastama kótergen.
