Erteń birneshe óńirde mektep oqýshylary úıden oqıdy

ASTANA. QazAqparat – Aýa raıynyń buzylýyna baılanysty 13 qańtar kúni birneshe óńirde mektep oqýshylary onlaın oqıdy, dep habarlaıdy QazAqparat.

Atap aıtqanda, Aqtaý qalasynda mektepaldy daıarlyq synyptary jáne 1-11 synyp oqýshylary qashyqtan oqýǵa kóshiriledi.

Abaı oblysynyń Aıaǵóz, Besqaraı, Aqsýat aýdandarynda birinshi aýysymnyń 1-11 synyptary onlaınǵa kóshiriledi. Sondaı-aq Semeı qalasy men Úrjar aýdanynda 1-9 synyp oqýshylary, Abaı aýdanynyń 1-4 synyp oqýshylary úıden oqıdy. Qalǵan aýdandarda sabaq shtattyq formatta ótedi.
Jambyl oblysynyń mektepterinde de bilim berý qashyqtan ótkiziledi.

Qaraǵandy qalasyndabirinshi jáne ekinshi aýysymdaǵy 0-4 synyp oqýshylarynyń sabaǵy qashyqtan oqýǵa kóshiriledi. Bilim bóliminiń aqparatyna súıensek, ata-analar aýa raıynyń qolaısyzdyǵyna baılanysty jáne mekteptiń qashyqtyǵyn eskere otyryp, balanyń mektepke barý-barmaýy týraly sheshimdi óz betinshe qabyldaı alady. Ol jóninde synyp jetekshisine eskertýi qajet.

Eske salaıyq, «Qazgıdromet» RMK 13 qańtarda aýa raıynyń buzylýyna baılanysty 10 óńirde eskertý jarııalaǵan bolatyn.