Erteń Bilim jáne ǵylym mınıstrliginde balabaqshalarǵa qatysty problemalarǵa oraı keńes ótedi
ASTANA. Qarashanyń 20-sy. QazAqparat /Marlan Jıembaı/ - Erteń Bilim jáne ǵylym mınıstrliginde balabaqshalarǵa qatysty problemalarǵa oraı Elbasynyń tapsyrmasyn oryndaýǵa qatysty jeke keńes ótedi.
Bul jaıynda búgin elordada ótken «Kásiptik bilim jáne bıznes: seriktester dıalogy» atty 2-shi halyqaralyq forýmda atalǵan vedomstvonyń basshysy Janseıit Túımebaev aıtty, dep habarlaıdy QazAqparat.
Onyń aıtýynsha, mınıstrlik balabaqsha máselesine oraı ákimdiktermen belsendi ári tyǵyz jumys isteýde. Sebebi qarashanyń 13-inde ótken tikeleı jeli barysynda Elbasyǵa elimizde balabaqshalardyń jetispeýshiligine jáne oryn alǵan kóptegen túıtkildi jaıttarǵa oraı kóptegen saýaldar kelip túsken bolatyn.
«Memleket basshysynyń tapsyrmasyn júzege asyrý úshin barlyq málimetterdi jınap, múmkindikterdi qarastyryp jatyrmyz. Sondaı-aq turǵyn úılerdiń 1-2-shi qabattarynda balabaqshalar ashýdy da qarastyryp otyrmyz. Osy oraıda, Elbasynyń tikeleı tapsyrmasynyń arqasynda, qysqa ýaqyttyń ishinde kóptegen oblystarda jyl aıaǵyna deıin jyldyq jospardyń oryndalatyndyǵyn atap ótkim keledi», dedi J.Túımebaev.
Erteńgi keńes barysynda Astanadaǵy balabaqshalardaǵy problemalar qaralady.
