Erteń Beıbitshilik jáne kelisim saraıynda Ábish Kekilbaıulynyń «Hansha-Darııa hıkaıasy» qoıylymy sahnalanady
ASTANA. Aqpannyń 9-y. QazAqparat - Erteń, aqpannyń 10-y kúni, (saǵat 18-30) Astanadaǵy Beıbitshilik jáne kelisim saraıynda memleket jáne qoǵam qaıratkeri, Qazaqstannyń halyq jazýshysy Ábish Kekilbaıulynyń «Hansha-Darııa hıkaıasy» qoıylymy sahnalanady,
dep habarlaıdy QazAqparat.
Qazaqstannyń Eńbek Eri, QR Parlamenti Senatynyń depýtaty Á. Kekilbaıulynyń bul shyǵarmasy jarty álemdi jaýlap alǵan, óziniń qolbasshylyq jáne ámirshildik isterimen tarıhta qalǵan Shyńǵyshannyń ómirinen syr shertedi. Jazýshy ámirshiniń adamı qasıetterin kórsetken.
Bul týyndyny Astana qalasyndaǵy «Jas kórermender teatry» sahnaǵa shyǵaryp otyr. Qoıýshy rejısseri - Qazaqstan Respýblıkasynyń eńbek sińirgen qaıratkeri, «Parasat» ordeniniń ıegeri Nurqanat Jaqypbaı.
