Erteń bazar ıelerin bıýdjetten qoldaý baǵdarlamasy iske qosylady

ASTANA. KAZINFORM – Saýda jáne ıntegratsııa mınıstrligi Saýda komıtetiniń tóraǵasy Aıdar Ádilbekov ortalyq kommýnıkatsııalar qyzmetinde ótken baspasóz máslıhatynda eldiń 3 megapolısinen basqa qalalardaǵy bazarlardy qoldaýdyń jańa tetigi iske qosylatynyn aıtty.

«2024 jyldyń 1 qazanynan bastap Qazaqstan Respýblıkasy Saýda jáne ıntegratsııa mınıstrligi Saýda komıteti tarapynan ishki saýda sýbektilerin jańartý úshin memlekettik qoldaý sharalaryn kórsetý bastalady.

Memlekettik qoldaý sharalary 2 túrli tásil arqyly kórsetiledi. Birinshisi – nesıe mólsherlemesin sýbsıdııalaý, ekinshisi – nesıege kepil bolý», - dedi komıtet tóraǵasy.

Onyń sózinshe, atalǵan memlekettik qoldaý sharalary 4 túrli maqsatqa baǵyttalǵan. Olar: 

1. Saýda bazarlaryn jańǵyrý úshin;
2. Saýda obektilerin salý, keńeıtý, rekonstrýktsııalaý úshin:
3. Úı janynan dúken salý úshin
4. Osy salada IT baǵdarlamalar jasaý úshin.

«Bul baǵdarlamaǵa elimizdegi 3 megapolıs Astana, Almaty, Shymkent qalalary jáne eldegi oıyn-saýyq ortalyqtary qatysa almaıdy. Baǵdarlamanyń sharty boıynsha saýda nysandaryna qatysty jobalaryn oblys ortalyqtarynda júzege asyratyn jeke kásipkerge beriletin maksımaldy soma – 3 mlrd teńge. Al jobany monoqalalarda nemese aýyldyq eldi mekenderde júzege asyratyndar úshin beriletin maksımaldy soma – 1,5 mlrd teńge», - dedi Aıdar Ádilbekov. 

Memlekettik qoldaý sharalary «Damý» qory arqyly iske asady.