Erteń «Baıqońyr» ǵarysh aılaǵynan Halyqaralyq ǵarysh stansysyna «Progress M-04 M» ǵaryshtyq júk kemesi ushyrylady
BAIQOŃYR. Aqpannyń 2-si. QazAqparat /Sara Qabıqyzy/ - Erteń «Baıqońyr» ǵarysh aılaǵynan Halyqaralyq ǵarysh stansysy baǵdarlamasy boıynsha «Progress M-04 M» ǵaryshtyq júk kemesi ushyrylady.
Reseıǵarysh baspasóz qyzmetiniń habarlaýynsha, ushý aldyndaǵy jumystar keste boıynsha ótýde. Ǵarysh aılaǵynyń 112-shi alańynda ǵaryshtyq maqsattaǵy zymyrandy jalpy qurastyrý júrgizildi. Keshke jumys josparyna sáıkes zymyran ushý keshenine shyǵarý jáne ornatý aıaqtaldy.
«Progress M-04 M» ǵaryshtyq júk kemesi bar «Soıýz-Ý» ǵaryshtyq maqsattaǵy zymyrandy ushyrý ǵarysh aılaǵynyń №1 alańynan aqpannyń 3-inde Astana ýaqyty boıynsha 9 saǵat 45 mınótke josparlanǵan.
