Erteń Batys Qazaqstan men Aqtóbe oblystarynda qatty ystyq bolady dep kútilýde
ASTANA. 11 shilde. QazAqparat - 12 shilde kúni Qazaqstannyń shyǵys jáne batys bóligi atmosferalyq aǵymdardyń yqpalynda bolady.
Osymen baılanysty naızaǵaı oınap, ótkinshi jańbyr jaýady, jel kóteriledi. Tańerteń jáne túngi ýaqytta jekelegen jerlerde tuman bolady. Bul týraly QR TJM-niń baspasóz qyzmeti Qazgıdrometke silmeme jasap habarlady.
Almaty, Ońtústik Qazaqstan, Qyzylorda, Atyraý, Qaraǵandy, túnde Jambyl, kúndiz Batys Qazaqstan oblystarynyń keı jerlerinde 15-20 m/s jyldamdyqpen jel soǵady dep kútilýde, Ońtústik Qazaqstan, Qyzylorda oblystarynda qumdy daýyl bolady.
Shyǵys Qazaqstan, Mańǵystaý oblystarynda keı jerlerde jeldiń ekpini 15-20 m/s-qa deıin kúsheıedi, túnde jáne tańerteń jekelegen jerlerde tuman bolady.
Soltústik Qazaqstan oblysynda túnde jáne tańerteń keı jerlerde tuman bolady. Qyzylorda oblysynyń keı aýmaqtarynda, Ońtústik Qazaqstan, Jambyl, Almaty, Qaraǵandy oblystarynda joǵary órt qaýpi saqtalady.
Batys Qazaqstan, Aqtóbe, sondaı-aq Mańǵystaý, Qostanaı jáne Qaraǵandy oblystarynyń jekelegen jerlerinde kún qatty ysıdy dep kútilýde.
Aldaǵy táýlikterde respýblıkanyń ońtústik, ońtústik-shyǵys jáne shyǵysyndaǵy taýly ózenderde sý deńgeıiniń aýytqýy baıqalady.
