Erteń aýa raıyna baılanysty joldar jabylýy múmkin
«Qazgıdromet» RMK mamandarynyń boljamyna sáıkes, batys tsıklon jyrasy jáne atmosferalyq frontal bólimder áserinen 18-20 aqpan aralyǵynda Qazaqstan aýmaǵynyń basym bóliginde aýa raıynyń turaqsyz sıpaty kútiledi. Sınoptıkterdiń aıtýynsha, el aýmaǵynda jańbyr men qar túrinde jaýyn-shashyn, tuman, jeldiń kúsheıýi, kóktaıǵaq jáne burqasyn bolady dep boljanǵan», - dep jazdy vedomstvo.
Aýa raıy kúrt ózgerip, qolaısyz bolsa tótenshe jaǵdaılardy aldyn-alý úshin respýblıkalyq mańyzdaǵy tasjoldardyń jabylýy ábden múmkin.
«Osyǵan oraı, respýblıkalyq mańyzy bar avtomobıl joldarynyń ulttyq operatory aýa raıy boljamyn jiti qadaǵalaýǵa, kúre joldardyń jabylǵany týraly habarlamalardy nazardan tys qaldyrmaýǵa jáne jabyq jolǵa shyqpaýǵa shaqyrady.
QazAvtoJol bólimsheleri kúsheıtilgen jumys rejımine kóshirildi», - delingen habarlamada.
Jolda qandaı da bir keleńsiz jaıtqa tap bolǵandar 1403 baılanys ortalyǵyna habarlasa alady. Baılanys ortalyǵy táýlik boıy jumys isteıdi.