Erteń Atyraýda oqýshylar sabaqty qashyqtan oqıdy

ATYRAÝ. QazAqparat – Atyraý oblysynda erteń, 11 qańtarda oqýshylar sabaqty qashyqtan oqıdy, dep habarlaıdy QazAqparat.

Oblystyq bilim basqarmasynyń basshysy Satqan Esenǵalıevtyń málimetinshe, bul balalardyń densaýlyǵyn, qaýipsizdigin saqtaý maqsatynda qolǵa alynǵan.

«Biz úshin balalardyń qaýipsizdigi men ómiri bárinen mańyzdy. Sondyqtan saılaý ýchaskeleri ornalasqan bilim nysandary erteń tolyǵymen dezınfektsııalanady. Sol sebepti 11 qańtarda mektepterde sabaq qashyqtan oqytý formatynda ótedi. Al 12 qańtardan bastap 1-4 synyp oqýshylary ata-anasynyń ótinishi negizinde kezekshi synyp rejıminde oqýdy jalǵastyrady», - dedi oblystyq bilim basqarmasynyń basshysy Satqan Esenǵalıev.

Eske sala ketelik, buǵan deıin Atyraýda 9-11-synyp oqýshylary sabaqty qashyqtan oqýdy jalǵastyratynyn jazǵan bolatynbyz.