Erteń ata-analardyń respýblıkalyq jınalysy ótedi
ASTANA. QazAqparat - Erteń, mamyrdyń 12-si kúni mektep tarıhyndaǵy eń úlken ata-analar jınalysy ótedi. Búginde qazaqstandyqtar áleýmettik jeliler men uıaly messendjerler arqyly erteńgi jınalys jaıyndaǵy eskertýdi bir-birine taratyp júr, dep habarlaıdy QazAqparat tilshisi.
Aıta keteıik, buǵan deıin QR Bilim jáne ǵylym mınıstri Erlan Saǵadıev respýblıkalyq ata-analar jınalysyn ótkizýge múddeli ekenin málimdegen bolatyn. Al 2 mamyr kúni ótken Úkimet otyrysynda atalǵan jınalystyń naqty ýaqytyn da jarııalaǵan. «Osy sátti paıdalana otyryp, mınıstrliktiń 12-shi mamyrda ata-analardyń respýblıkalyq jınalysyn ótkizýdi josparlap otyrǵanyn aıtqym kelip otyr. Búginde ata-analar jınalystaryna adamdardyń qatysý deńgeıi óte tómen, adamdardyń tek 10 paıyzy ǵana qatysady. Endi, mamyrdyń 12-si kúni, barlyq memlekettik organdar men mekeme basshylaryna ata-analardy jınalysqa ýaqytynda jiberýge Úkimet tarapynan tapsyrma berýdi suraımyz. Osy jınalysta mektepterdiń qamqorshylyq keńesin saılaýmen bilim salasynyń ózekti máselelerin talqylaý josparlanyp otyr», - dedi Erlan Saǵadıev. 
Aıta keteıik, áleýmettik jeliler men uly messendjerler arqyly taralyp júrgen habarlandyrýdy jınalystyń ýaqyty saǵat 18:30-ǵa belilenip otyr.
