Erteń Astananyń 94 mektebinde sońǵy qońyraý soǵylady
ASTANA. QazAqparat - 25 mamyrda saǵat 10.00-de Astana qalasynyń 94 jalpy bilim beretin mektepterinde (83 memlekettik, 11 jeke menshik) «Sońǵy qońyraýǵa» arnalǵan saltanatty jıyn ótedi.
Bıyl elordalyq mektepterdi 4 593 oqýshy bitiredi, dep habarlaıdy qalalyq bilim basqarmasy.
Mektep túlekterin QR Bilim jáne ǵylym mınıstri Erlan Saǵadıev (ol № 75 mektep-gımnazııasynda bolady), Astana qalasy ákiminiń orynbasary Ermek Amanshaev (№ 60 mektep-lıtseıinde) quttyqtaıdy.
Sonymen qatar qurmetti qonaqtardyń qatarynda «Nur Otan» partııasynyń, qalalyq máslıhattyń depýtattary, QR Bilim jáne ǵylym mınıstrliginiń ókilderi bar.
Saltanatty jıyndar aıaqtalǵannan soń, saǵat 13.00-de «Báıterek» monýmentiniń alańynda Sońǵy qońyraýdy arnalǵan kontserttik bı ótedi. Pozıtıvti jáne kreatıvti túlekter úshin ınteraktıvti baıqaýlar, fleshmob, jáne taǵy kóptegen baǵdarlamalar uıymdastyrylady.
Sońǵy qońyraý barlyq oqýshylar úshin eleýli mereke. Kúni keshe ǵana ata-analar óz balalaryn mekteptiń alǵashqy qońyraýyna jetektese, búginde úlken ómirge shyǵaryp salmaq.
