Erteń Astanadaǵy Onkologııalyq ortalyqta ashyq esik kúni ótkiziledi
ASTANA. QazAqparat - Erteń 18 qazanda - Búkilálemdik sút beziniń qaterli isigi jóninde aqparattandyrý kúni elordanyń Onkologııalyq ortalyǵynda (Manas k-si, 17) saǵat 11.00-de onkolog, mammolog mamandardyń qatysýymen áıelderdiń densaýlyǵyn qorǵaý boıynsha ashyq esik kúni ótedi. Bul týraly qala ákimdiginiń saıty habarlady.
Sondaı-aq, aldyn alý bóliminiń jáne salaýatty ómir saltyn uıymdastyrýshy dárigerler úshin: «Sút beziniń qaterli isigi. Erte anyqtaý» taqyrybynda qalalyq semınar ótkiziledi.
Salaýatty ómir saltyn qalyptastyrý ortalyǵynyń habarlaýynsha, Astana qalasynda atalǵan syrtqatpen aýyrý kórsetkishiniń 165,8-den (2014j) 198,4-ge deıin (2015j) ósý úrdisi, jáne ólim-jitim kórsetkishiniń 100 myń halyqqa shaqqanda 82,8-den 86,6-ǵa deıin óskeni baıqalyp otyr.
Atap óterligi, 2016-2019 jyldarǵa arnalǵan «Densaýlyq» QR densaýlyq saqtaý memlekettik baǵdarlamasyn iske asyrý sheńberinde onkologııalyq aýrýlardy basqarýdyń ıntegratsııalanǵan modelin engizý baǵytynda belsendi negizde jumys júrgizilýde.
