Erteń Astanadaǵy Beıbitshilik jáne kelisim saraıynda «Astana!» atty alǵashqy qazaqstandyq mıýzıkldiń premerasy bolady

Belgili kompozıtor Almas Serkebaevtyń «Astana!» mıýzıkli 2009 jyly Mádenıet mınıstrligi ótkizgen «Táýelsizdik tolǵaýy» baıqaýynyń eń úzdik opera atalymynda bas júldeni jeńip alǵan bolatyn. Lıbretto avtory - ıÝrıı Kýdlach. Mıýzıkldiń qoıýshy rejısseri - Reseı halyq ártisi, QR Memlekettik syılyǵynyń laýreaty ıÝrıı Aleksandrov.

«Mıýzıkldi birlesken jastar jobasy dep ataýǵa bolady. Oǵan halyqaralyq qoıylym toby men búkil qazaqstandyq teatrlardyń ártisteri men jastar qatysady. Biz úshin bul jańa stılıstıka jáne jańa format. Sondyqtan bizde azdaǵan qobaljý bar», - dedi jýrnalısterge arnalǵan baspasóz máslıhatynda QR Mádenıet vıtse-mınıstri Asqar Bóribaev.

Aıta keteıik, mıýzıklde Abaı atyndaǵy Memlekettik akademııalyq opera jáne balet teatrynyń, K.Baıseıitova atyndaǵy Ulttyq opera jáne balet teatrynyń jetekshi solısteri, sondaı-aq «Gúlder» bı ujymy oınaıdy. Óz jigerlerin T.Júrgenov atyndaǵy Qazaq ulttyq óner akademııasynyń, Qurmanǵazy atyndaǵy Qazaq ulttyq konservatorııasy men Qazaq ulttyq óner ýnıversıtetiniń stýdentteri de baıqap kórmek.

A.Bóribaevtyń aıtýynsha, mıýzıkldi dúnıege ákelý ıdıasyn alǵash ret Mádenıet mınıstri Muhtar Qul-Muhammed usyndy. Jalpy bıýdjeti 50 mıllıon teńgeni quraıtyn «Astana!» týyndysy sıýjetiniń negizinde almatylyq jas dáriger Arman men atasynyń ósıetin oryndaý úshin Qazaqstanǵa arnaıy kelgen japon qyzy Asamıdiń mahabbat tarıhy jatyr.

Vıtse-mınıstr atap kórsetkendeı, mıýzıkl qazaq jáne orys tilderinde qoıylǵanymen, onda orys tili basym. «Sebebi oryndaýshylardyń 90 paıyzy men avtor orys tildi. Biraq búgin biz mátindi qazaqshaǵa aýdarý máselesimen aınalysyp jatyrmyz jáne ol aldaǵy kúzge qaraı daıyn bolady», - deıdi ol.

Óz kezeginde, Qazaqstannyń Memlekettik syılyǵyn alǵan alǵashqy sheteldik jáne «Abylaıhan» operasy úshin «Dostyq» ordenimen marapattalǵan ıÝ.Aleksandrov, mıýzıkldiń ıdıasyn asa joǵary dep baǵalap, Qazaqstan teatrynyń sahnasynda janrdyń jańa paraǵy ashylǵaly jatqandyqtan, onyń boıynda da azdaǵan tolqý barlyǵyn jasyrmady.

«Astana!» mıýzıkliniń tanystyrylymy erteń, maýsymnyń 25-i kúni saǵat 19.00-de Beıbitshilik jáne kelisim saraıynda ótedi. Qaıta qoıylymy - maýsymnyń 26-sy kúni 18.00-de.