Erteń Astanada jalpyqalalyq senbilik ótedi
«Jasyl Astana» ekologııalyq aılyǵy aıasynda 16 qyrkúıekte elordada jalpyqalalyq senbilik ótedi, dep habarlaıdy QazAqparat elorda ákimdiginiń resmı saıtyna silteme jasap.
Astanada 16 qyrkúıekten 14 qazanǵa deıin «Jasyl Astana» dástúrli ekologııalyq aılyǵy ótedi. Osy jumys aıasynda elordada qalalyq qyzmetterdi, eńbek ujymdaryn jáne belsendi qala turǵyndaryn tarta otyryp, birneshe kommýnaldyq jáne jalpyqalalyq senbilik ótkiziledi.
Osy senbide, ıaǵnı 16 qyrkúıekte elordany budan da taza etý úshin aýqymdy jalpyqalalyq senbilikke qatysýǵa shaqyrylady.
Aǵashtardy jınaý jáne otyrǵyzý ýchaskelerin naqtylaý úshin qala turǵyndary aýdan ákimderiniń apparattaryna kelesi telefon nómirleri boıynsha júgine alady:
Almaty aýdany: 8 747 032 65 07;
Baıqońyr aýdany: 8 701 553 26 27;
Saryarqa aýdany: 8 701 272 50 71;
Esil aýdany: 8 778 900 18 61;
Nura aýdany: 8 701 719 91 39.
