Erteń Astanada «Táýelsizdik tolǵaýy» konkýrsynyń jeńimpazdary marapattalady
ASTANA. Aqpannyń 10-y. QazAqparat /Ernur Aqanbaı/ - Erteń Astanadaǵy Kúlásh Baıseıitova atyndaǵy Ulttyq opera jáne balet teatrynda respýblıkalyq «Táýelsizdik tolǵaýy» konkýrsynyń jeńimpazdaryn marapattaý rásimi ótedi,
dep habarlaıdy QazAqparat.
2009 jyly Mádenıet jáne aqparat mınıstrligi jarııalaǵan konkýrstyń basty maqsaty - ónerdiń san-salasynda táýelsiz memleketimizdiń saıası-rýhanı kelbetin ashyp kórsetý. Atalmysh konkýrs eń úzdik dramalyq pesalar; eń úzdik operalyq shyǵarmalar; eń úzdik balettik shyǵarmalar; eń úzdik kameralyq mýzyka; eń úzdik qazirgi zamanǵy ánder; eń úzdik balalar ánderi attyalty atalym boıynsha ótkizildi. Mınıstrliktiń málimetinshe, «Táýelsizdik tolǵaýy» konkýrsy otandyq avtorlardyń buryn-sońdy bolmaǵan erekshe belsendiligin kórsetken. Quramynda tanymal óner qaıratkerleri bar saraptaý komıssııalary óziniń qorytyndy sheshimin shyǵaryp, jeńimpazdardy anyqtaǵan. Olardyń esimderi erteń belgili bolady.
«Táýelsizdik tolǵaýy» respýblıkalyq konkýrsynyń sheńberinde VI-Respýblıkalyq «Elim meniń» patrıottyq ánder saıysynyń jeńimpazdary da marapattalatyn bolady. Byltyr 6-shy márte ótkizilgen konkýrstyń basty maqsaty - jas urpaqty qazaqstandyq otansúıgishtikke tárbıeleý jáne patrıottyq shyǵarmalardy týdyratyn otandyq avtorlarǵa qoldaý kórsetý, repertýardy patrıottyq taqyryptaǵy jańa mýzykalyq shyǵarmalarmen tolyqtyrý, qazaqstandyq án týyndylarynyń básekelestik áleýetin arttyrý.
Konkýrs «Atameken», «Amanat», «Án sal, sarbaz!», «Eldiń eri-Baýyrjan» sekildi tórt atalym boıynsha ótkizildi.
