Erteń Astanada taekvondodan Qazaqstan chempıonaty bastalady
ASTANA. 25 qarasha. QazAqparat - 26-28 qarasha kúnderi Astanadaǵy «Dáýlet» sport kesheninde WTF taekvondodan eresekter arasyndaǵy Qazaqstan chempıonaty ótedi.
Shyǵys jekpe-jeginiń bul túri Olımpıada baǵdarlamasyna engen. Jarysqa Almaty jáne Astana qalasynyń, sonymen qatar elimizdiń barlyq aımaqtaryyń jáne Bekseıt Túlkeev, Mustafa Óztúrk mektepteri men AOSK komandalary qatysýǵa nıet bildirdi. Búgingi kúnge deıin kelip túsken ótinishter boıynsha naqty qatysýshylar sany 236 adam. Olardyń arasynda ulttyq qurama sapynda óner kórsetip júrgen tájirıbeli sportshylar da az emes. Azııa Oıyndarynyń júldegeri Nursultan Mamaı, Dúnıejúzilik Ýnıversıada jeńimpazy Gúlnafıs Aıtmuhambetova, Azııa chempıony Ferýza Ergeshova jáne taǵy basqalary.
Qazaqstan taekvondo federatsııasy 2012 jyldan bastap Sporttyq jekpe-jek jáne kúsh qoldanylatyn sport túrleri Konfederatsısynyń quramyna endi.
