Erteń Astanada LRT konstrýktsııalardy ýaqytsha demontajdaýǵa baılanysty jol jabylady

ASTANA. KAZINFORM – Erteń, 27 qazanda tańerteńnen túski ýaqytqa deıin Máńgilik El dańǵyly boıynda Syǵanaq kóshesimen qıylysynda joldy tolyǵymen jabý josparlanyp otyr. Bul týraly «City Transportation Systems» JShS habarlady.

«Qurmetti Astana qalasynyń turǵyndary men qonaqtary! 27 qazanda saǵat 08.00-den 14.00-ge deıin LRT estakadasynda ýaqytsha metall konstrýktsııalardy demontajdaýǵa baılanysty Máńgilik El dańǵyly boıynda Syǵanaq kóshesimen qıylysynda joldy tolyǵymen jabý josparlandy. Saparlaryńyzdy aldyn ala josparlaýdy suraımyz. Ýaqytsha qolaısyzdyqtar úshin keshirim suraımyz», - delingen habarlamada.

Buǵan deıin Astanada Máńgilik El dańǵylynyń boıynda qozǵalysqa ýaqytsha shekteý engizilgen bolatyn.