Erteń Astanada qurlyqtyq karate tarıhynda tuńǵysh ret karate-do sportynan halyqaralyq týrnır ótedi
ASTANA. 4 qazan. QazAqparat - Erteń Astanada «Dáýlet» sport kesheninde qurlyqtyq karate tarıhynda tuńǵysh ret «Azııa chempıondarynyń kýbogy» - karate-do sportynan halyqaralyq týrnır ótedi. Oǵan «sary qurlyqtyń» eń myqty karteshileri, Azııanyń aımaqtyq chempıonattarynyń jeńimpazdary qatysady. Atalǵan shyǵys jekpe-jeginiń 55 sheberi Azııanyń bas chempıony ataǵy úshin kúresedi.
Bul týraly QR Sport jáne dene shynyqtyrý isteri agenttiginiń baspasóz qyzmetinen habarlady.
Karate-dodan Azııa federatsııasy osy alǵashqy týrnırdi ótkizýdi Qazaqstan tarapyna senip tapsyrdy. Qazaqstandyq karateshilerdiń halyqaralyq arenadaǵy tabysynyń jáne Qazaqstannyń sporttyq joǵary bedeliniń arqasynda atalǵan qoǵamdyq uıym Qazaqstanda Birinshi Azııa chempıondary kýbogyn ótkizý týraly sheshim qabyldady.
Bul týrnır birneshe salmaq dárejeleri boıynsha erler jáne áıelder arasynda ótedi.
5 qazan kúni saǵat 14-00-de - osy týrnırdyń saltanatty ashylýy ótedi. Artynan fınaldyq kezdesýlerge jol beriledi.
