Erteń Astanada QR Premer-Mınıstriniń qatysýymen Qazaqstandyq Ulttyq ǵarysh ortalyǵynyń irgetasy qalanady
ASTANA. Shildeniń 2-si. QazAqparat /Gúlmıra Álıakparova/ - Erteń Astanada Qazaqstan Ulttyq ǵarysh ortalyǵynyń irgetasy qalanady. Bul týraly búgin elordada Qazaqstandyq-frantsýzdyq tehnologııalar transferti ortalyǵynyń saltanatty ashylýy barysynda jýrnalısterge bergen suhbatynda Frantsııanyń syrtqy saýda boıynsha Memlekettik hatshysy Anna-Marı Idrak málim etti.
«Erteń biz QR Premer-Mınıstri Kárim Másimovpen birge ǵaryshtyq materıaldar shyǵaratyn zaýyttyń alǵashqy kirpishin qalaıtyn bolamyz. Bul AEDS (Avıaǵaryshtyq ónerkásip boıynsha eń iri eýropalyq korporatsııa) tobynyń fılıaly bolyp tabylatyn «Astrium» kásipornynyń óndiristik orny bolmaq. Endi eýropalyq ǵaryshtyq qurylǵylar Qazaqstanda shyǵarylady», - dep atap ótti A.Idrak.
A.Idraktyń aıtýynsha, zaýyttyń qurylysy Qazaqstan men Frantsııanyń birlesken jobasy.
Aıta keteıik, Ulttyq ǵarysh ortalyǵynyń bazasynda eń birinshi - ǵaryshtyq apparattardy qurastyryp, olarǵa synama júrgizetin keshen salý josparlanýda. Keshen Qazaqstandaǵy postkeńestik keńistikte balamasy joq alǵashqy nysan bolady.
