Erten: Astanada kontseptýaldy kontsert ótti

ASTANA. QazAqparat – Astanadaǵy Beıbitshilik jáne kelisim saraıynda aqyn-mýzykant Maqpal Jumabaıdyń Erten atty jeke kontseptýaldy kontserti ótti, dep habarlaıdy QazAqparat Senattyń baspasóz qyzmetine silteme jasap.

Senat jumysyndaǵy basym baǵyttardyń biri – ulttyq qundylyqtardy dáripteý. Senatorlar bul mindetti shyǵarmashylyq ındýstrııa ókilderimen birlese otyryp, jumysty erekshe sıpatta júrgizýge nıettenip otyr. Osy oraıda, Senat tóraǵasy Máýlen Áshimbaev bastaǵan bir top depýtat ta biregeı kontsertti kópshilikpen birge tamashalady.

Maqpal Jumabaı óz shyǵarmalarynda jasandy ıntellektini qoldana otyryp, búgingi zamannyń ózekti máselelerine arnalǵan performanstar men tolǵanystardyń úılesimin beıneleıdi. Aıtýynsha, shyǵarmashylyq maqsaty – qazaq poezııasyn zamanaýı mýzyka jáne jalpy óner arqyly jetildirý. Improvızatsııalyq Erten týyndysy adamnyń ótkeni men búginin zerdeleı otyryp, erteńge daıyn bolýyn maqsat tutady.

Maqpal sherdiń mýzykalyq-poetıkalyq jobasy 15 jyl boıy poezııa, mýzyka, keskindeme, anımatsııa, spektakl kórinisteri arqyly shyǵarmashylyq qyzmet túrleriniń arasyndaǵy shekarany ashyp, qazaq poezııasyn jańa bıikke kóterdi. Top quramynda túrli ult ókilderi men ár jastaǵy mýzykanttar bar. Olar ónerdiń kóptegen qyrlary men qazirgi zamanǵa degen kózqarastaryn tyńdarman qaýymǵa áýen arqyly jetkizedi.

Londondaǵy AÝA kontserti áıgili toptyń halyqaralyq arenadaǵy erekshe qoltańbasy ekenin atap ótken jón. Ańyzǵa aınalǵan Brıýnel murajaıynda ótken kontsert mýzykadaǵy jańa aǵymdar men ónerdegi esimderdi áıgilegen jer ekeni belgili.