Erteń Astanada qarjylyq tergeý jáne urlanǵan aktıvterdi qaıtarý jónindegi semınar bastalady
Semınarǵa QR Bas Prokýrorynyń orynbasary Andreı Kravchenko, QR Bas prokýratýrasy janyndaǵy Quqyq qorǵaý organdary akademııasynyń rektory Ulan Baıjanov, AQSh Memlekettik hatshysynyń halyqaralyq esirtkige qarsy kúres jáne zańdylyqty saqtaý máseleleri jónindegi kómekshisi Ýılıam Braýnfıld, AQSh-tyń Qazaqstandaǵy Elshisi Djordj Krol, BUU Esirtkimen jáne qylmystylyqpen kúres boıynsha basqarmasynyń bólim basshysy (BUU EQB, Vena) Tofık Mýrshýdlý, EQYU-nyń Astanadaǵy Baǵdarlamalar keńsesiniń saıası máseleler jónindegi ofıtseri Kolın MakKallaý, sonymen qatar qazaqstandyq analıtıkter, tergeýshiler, prokýrorlar jáne qarjylyq qylmystar, sondaı-aq urlanǵan aktıvterdi qaıtarý boıynsha tergeýmen jáne sot qýdalaýymen aınalysatyn sýdıalar qatysady.
Semınar qadaǵalaý, tyıym salý jáne urlanǵan aktıvterdi qaıtarý múmkindikterin arttyrý úshin basqa elderdiń quzyretti organdarymen vedomstvoaralyq ta, halyqaralyq ta yntymaqtastyqty damytýǵa baǵyttalǵan.
Semınar BUU EQB qarjylyq tergeý jáne urlanǵan aktıvterdi qaıtarý jónindegi joba jáne AQSh-tyń QR-daǵy Elshiligi aıasynda ótkiziledi. Jobanyń bas seriktesteri QR Bas prokýratýrasy jáne Bas prokýratýra janyndaǵy Quqyq qorǵaý organdarynyń akademııasy bolyp tabylady.