Erteń Astanada Elbasyna arnalǵan jańa kitaptardyń tanystyrylymy ótedi
ASTANA. Shildeniń 2-si. QazAqparat - Erteń Astanada, Mınıstrlikter úıiniń konferents-zalynda Elbasy Nursultan Nazarbaevqa arnalǵan kitaptardyń tanystyrylymy ótedi, dep habarlady QR Bilim jáne ǵylym mınıstrliginiń baspasóz qyzmeti.
Jınalǵan qaýymǵa jáne jýrnalısterge «Nursultan Nazarbaev - táýelsiz memlekettiń negizin qalaýshy» (qazaq, orys jáne aǵylshyn tilderinde), «Qazaqstan Respýblıkasynyń Prezıdenti N.Á.Nazarbaevtyń syrtqy saıası bastamalary», «Táýelsizdiktiń nurly tańy», «Kemeńger», «Qazaqstannyń qazirgi tarıhy» kitaptary tanystyrylady.
Bul sharaǵa QR Bilim jáne ǵylym mınıstri Janseıit Túımebaev, QR Parlamenti Senaty men Májilisiniń depýtattary, joǵary oqý oryndary men ǵylymı ortalyqtardyń basshylary qatysady.
