Erteń Astanada dástúrli Abaı oqýlary ótedi

Jınalǵan qaýym aldynda uly fılosof jáne aqynnyń obrazyn QR eńbek sińirgen mádenıet qaıratkeri Bolat Ábdilmanov somdaıdy. Sondaı-aq, Q.Qýanyshbaev atyndaǵy qazaq mýzykalyq drama teatrynyń akterleri óz sheberlikterin pash etetin bolady. Abaıdyń óleńderi men aqynǵa arnalǵan arnaýlar molynan oqylyp, áýelete shyrqalatyn is-sharanyń kórkin ózderiniń ásem áýendermen Astana qalasy memlekettik fılarmonııasynyń ánshisi Gúlmıra Sarına, K.Baıseıitova atyndaǵy Ulttyq opera jáne balet teatrynyń solısteri Janat Shybyqbaı men Qııaqbaı Asanbaev kóriktendire túsetin bolady.

Shara aıasynda qalanyń ortalyqtandyrylǵan kitaphanalar jelisi ázirlegen «Abaıdyń murasy - qazaqtyń eń qasıetti qazynasy» atty kórme ótedi.