Erteń Astanada dabyl júıesi iske qosylady
ASTANA. QazAqparat - 22 jeltoqsan kúni saǵat 09.00-de Astana qalasy Tótenshe jaǵdaılar departamenti teleradıo arnalardy ustap qalýmen, elektr dabyldaryn qosý arqyly Astana qalasynyń qulaqtandyrý júıelerin tekserýin júrgizedi.
Atalmysh tekserý josparly bolyp tabylady jáne aı saıyn júrgiziletin bolady, dep habarlaıdy Astana qalalyq Tótenshe jaǵdaılar departamentiniń baspasóz qyzmetinen. Eske salamyz, tótenshe jaǵdaı oryn alǵan kezde nemese tótenshe jaǵdaıdyń oryn alýyna qaýip tóngen kezde elektr dabyldary nemese basqa da dabyl quraldary qosylady, ol «Barshańyzdyń nazaryna!» biryńǵaı qulaqtandyrý dabylyn bildiredi. Bul dabyldy estigen kezde turǵyndar mindetti túrde qolaıly aqparat qabyldaý quraldaryn (Habar, Qazaqstan, Eýrazııa birinshi arnasy, Astana, KTK, NTK teledıdarlaryn; Astana FM, Shalqar, Retro FM, Avtoradıo, Qazaq radıolaryn) is-áreketter týraly nusqaýlar men aqparat alý úshin qosýlary kerek. «Astana qalasy TJ departamenti qala turǵyndaryn sabyrlyq saqtaýǵa, úreılenbeýge shaqyrady», delingen habarlamada.
