Erteń Astanada botanıkalyq baq aýmaǵynda otshashý bolady

ASTANA. KAZINFORM — Elorda kúni men ShYU sammıtin ótkizý qarsańynda, ıaǵnı 3 shildede botanıkalyq baqta salıýt iske qosylady. Otshashý shashylatyn boljamdy ýaqyt — 22:00-den 22:30-ǵa deıin. Bul jaıynda qala ákimdiginen habarlandy. 

Tehnıkalyq daıyndyq maqsatynda 3 shilde saǵat 19:00-den bastap Botanıkalyq baq aýmaǵy ishinara jabylady.

Bul qorshaý azamattardyń qaýipsizdigi úshin qajet.

Otshashýdy irgeles aýmaqtardan, sonyń ishinde «Ulytaý» skverinen tamashalaýǵa bolady.

Esterińizge sala keteıik, 6 shilde kúni saǵat 18:00-de EKSPO aýmaǵynda Open Air merekelik kontserti ótedi. 

Kontsert aıaqtalǵannan keıin drondardyń jaryq shoýyn ótkizý josparlanyp otyr.  

Drondar shoýynyń shamamen ótetin ýaqyty — saǵat 22:15 (22:30).