Erteń Astanada bos jumys oryndarynyń qalalyq jármeńkesi ótedi
ASTANA. 16 naýryz. QazAqparat /Gúlmıra Álıakparova/ - Erteń, 17 naýryzda Astanadaǵy «Jastar» saraıynda qala ákimdiginiń uıymdastyrýymen bos jumys oryndarynyń jármeńkesi ótedi.
Jármeńkege bilikti mamandardy qajet etetin kásiporyndardyń ókilderi qatysady. Onyń barysynda jumys berýshiniń jumysshy aldyna qoıyp otyrǵan talaptarymen jáne jumys jaǵdaıymen tanysýǵa múmkindik bolady.
Derekter qorynda 355 jumys berýshi usynyp otyrǵan barlyǵy 1207 bos jumys oryndary bar. Jármeńkege qatysý úshin aldyn ala óz ótinimderin qaladaǵy 56 jumys berýshi berdi, sonyń 20-sy bilim berý mekemeleri.
Jumys izdep kelgen árbir azamat bos jumys oryndary týraly derekter bazasymen, kásibı oqytý kýrstary júrgiziletin mamandyqtardyń tizimimen tanysyp, aqyly qoǵamdyq jumystardy tańdaý múmkindigin alady.
Onymen birge, jármeńkege eńbek zańnamasy máseleleri, turǵyn úı járdemaqylaryn alý, 18 jasqa deıingi balalary bar otbasylarǵa ataýly áleýmettik kómekterdi taǵaıyndaý boıynsha keńes beretin quzyrly organdar qatysatyn bolady.
