Erteń Astanada bilim granttaryn taǵaıyndaý boıynsha respýblıkalyq komıssııa óz jumysyn bastaıdy
ASTANA. QazAqparat - Bilim granttaryn taǵaıyndaý boıynsha respýblıkalyq komıssııa 2015 jyldyń 5 tamyzynda óz jumysyn Qazaqstan Respýblıkasy bilim jáne ǵylym mınıstri Aslan Sárinjipovtyń tóraǵalyǵymen bastaıdy.
Salalyq vedomstvonyń baspasóz qyzmetiniń habarlaýynsha, sońǵy jyldyń ishinde QR BǴM-de stýdenttik kontıngentti irikteý jáne qalyptastyrý sapasyn arttyrý boıynsha birqatar sharalar qabyldandy. Otyrysta oqýshylardy Qazaqstan Respýblıkasynyń joǵary oqý oryndaryna qabyldaý boıynsha daıyndyq jumystarynyń qorytyndylaryn shyǵarý josparlanyp otyr.
Komıssııanyń quramyna respýblıkanyń memlekettik organdary, Ulttyq kásipkerler palatasy, Azamattyq alıans, bilim qyzmetkerleri kásipodaqtarynyń ókilderi, joǵary oqý oryndarynyń rektorlary kiredi.
