Erteń Astanada áskerı orkestrler ashyq aspan astynda kontsert berip, defıle-parad kórsetedi
ASTANA. 13 sáýir. QazAqparat - Búgin elordadaǵy Jastar saraıynda «Áskerı kerneı» baıqaýynyń sońǵy kezeńi ótedi, dep habarlady QR ІІM Іshki áskerleriniń baspasóz qyzmetinen.
Vedomstvonyń atap ótýinshe, 14 sáýirde Astana qalasynyń (Astana qalasy ákimshiligi ǵımaratynyń aldynda) ortalyq alańynda QR ІІM Іshki áskerleri Qolbasshysynyń júldesi úshin QR Qarýly kúshteri, basqa áskerleri jáne áskerı qurylymdary orkestrleriniń «Áskerı kerneı» gala-kontserti ótedi.
«Rýh kóteretin áskerı sazdyń, áskerı orkestrlerdiń gala-kontserti tuńǵysh ret áskerı orkestrlerdiń kásibı sheberligin jetildirý jáne nasıhattaý, áskerı qyzmettiń bedelin kóterý jáne jas urpaqty qazaqstandyq patrıottyqqa tárbıeleý maqsatynda ótkizilgeli otyr», - delingen baspasóz habarlamasynda.
Іshki áskerlerdiń jáne Qarýly kúshterdiń 20 jyldyǵyna oraı uıymdastyrylyp otyrǵan shara Astana turǵyndary men qonaqtardyń esinde qalatyn, erekshe áserge bóleıtin óner saıysy bolmaq. Áskerı orkestrlerdiń kontserttik baǵdarlamasynda klassıkalyq, halyqtyq jáne estradalyq mýzykalyq nómirlermen qatar, jaýyngerlik parad-defıle, plats-kontsert jáne áskerı-qyzmetshilerdiń qarý-jaraqpen kórsetilgen tanymdyq kórsetilimderi bar.
