Erteń Astanada 15 avtobýstyń baǵyty ózgeredi

ASTANA. KAZINFORM - Erteń, 27 qazan kúni Astanada 15 avtobýstyń baǵyty ózgeretini habarlandy.

«27 qazanda saǵat 08:00–den 14:00–ge deıin № 12, 15, 15 A, 18, 19, 21, 32, 35, 43, 46, 50, 55 A, 55 B, 61, 70 baǵdarlardyń qozǵalys syzbasy ýaqytsha ózgeredi. Sebebi, LRT estakadasynda ýaqytsha metall konstrýktsııalardy demontajdaýǵa baılanysty, Máńgilik El dańǵyly boıynda Syǵanaq kóshesimen qıylysynda qozǵalys jabylady», — dep jazdy «City Transportation Systems» JShS.

Vedomstvo elorda turǵyndary men qonaqtarynan saparlaryn josparlaý kezinde osy aqparatty eskerýdi suraıdy.

Aıta keteıik, buǵan deıin Almatyda jolaýshy avtobýsta janjal shyǵarǵanyn jazǵanbyz.