Erteń Astana jýrnalısteri kásibı merekelerine oraı shaǵyn fýtboldan kúsh synasady
ASTANA. 19 maýsym. QazAqparat - Astanada 28 maýsym - Baılanys jáne aqparat qyzmetkerleriniń kúnine oraı jýrnalıster arasynda shaǵyn fýtboldan týrnır ótedi.
Birqatar buqaralyq aqparat quraldarynyń komandasy qatysatyn aıaqdop dodasy 20 maýsym kúni (bastalýy saǵat 9.00-da) S.Seıfýllın atyndaǵy Qazaq agrotehnıkalyq ýnıversıtetiniń sport kesheninde ótedi. Uıymdastyrýshy - Qazaqstan jýrnalıster Odaǵy Astana qalalyq fılıaly.
Eske salaıyq, 2011 jylǵy qazan aıynyń sońynda QR Prezıdenti N.Nazarbaev kásibı jáne ózge de merekelerdiń jańa tizimin bekitti. Oǵan sáıkes, buǵan deıin maýsym aıynyń sońǵy jeksenbisi atap ótilip kelgen baılanys jáne aqparat qyzmetkerleriniń kúni 28 maýsymǵa belgilendi.
