Erteń Astana tótenshe jaǵdaıǵa daıyndalady
ASTANA. 20 qyrkúıek. QazAqparat - Erteń, 21 qyrkúıek kúni tańerteńgi saǵat 08.00-de Astanada
qaladaǵy halyqty qulaqtandyratyn barlyq dabyl qaǵý júıeleri iske qosylady.
Qalalyq tótenshe jaǵdaılar departamentiniń habarlaýynsha, elordalyqtarǵa bul dabyldan dúrligýdiń qajeti joq. Sebebi bul shtabtyq jattyǵýlar bolady.
"Adamdar dabyldy ártúrli qabyldaýy múmkin. Biri bilse, biri bilmeıdi, dabyl qaǵylǵanda buqaralyq aqparat quraldaryn (teledıdar, radıo) qosý kerek. Tótenshe jaǵdaı bolǵan kezde dabyl qaǵylady, al BAQ-tar arqyly biz halyqqa nusqaýlyqtar men aqparattar berip, ne isteý kerektigin aıtamyz. Bul joly biz josparly jattyǵý ótip jatqandyǵy týraly aqparat qana beremiz", - dep atap ótti Astana qalalyq Tótenshe jaǵdaılar departamentiniń bas mamany Bıbigúl Esmaǵambetova.
Jattyǵýlardyń ózi QR Tótenshe jaǵdaılar mınıstri V.Bojkonyń qatysýymen saǵat 15.00-de ótetin bolady.
«Onyń barysynda medıtsınalyq qyzmettiń, saýda jáne tamaqtandyrý qyzmetiniń, órtke qarsy qyzmettiń, radıatsııalyq-hımııalyq qorǵanys qyzmeti men onyń qurylymyna kiretin baqylaý jáne zerthanalyq qadaǵalaý mekemeleri jelisiniń tartylýymen jınaqtaý evakýatsııalyq pýnktteriniń jattyǵýy ótedi», - delingen qalalyq TJD taratqan habarlamada.
