Erteń Astana qalasynda Qazaqstannyń V Azamattyq forýmy ashylady
Forýmnyń barlyq sharalary «Ehro-ortalyq «Kórme» kórme kesheninde ótedi.
Forýmnyń baǵdarlamasynda Qazaqstan Respýblıkasy Memlekettik hatshysy Q.B. Saýdabaevtyń qatysýymen Qazaqstannyń azamattyq qoǵam ınstıtýttary kóshbasshylarynyń saltanatty májilisi, bilim berý - pikir-talas sektsııalary, áleýmettik blok mınıstrleriniń forým delegattarymen kezdesýleri, «Tanym» syılyǵyn tapsyrý rásimi, merekelik kontsert bar.
Forýmnyń ótkizilýi - Qazaqstandaǵy basty demokratııalyq dástúrleriniń biri. Atalǵan Forým memlekettik organdar men ÚEU-dyń basty dıalog alańy, úshinshi sektordyń ómirindegi mańyzdy oqıǵa bolyp tabylady.
Dástúr boıynsha Forým eki jylda bir ret ótedi.
Birinshi Azamattyq forým 2003 jyly Elimizdiń Prezıdenti N.Á. Nazarbaevtyń qatysýymen ótti. Ol úkimettik emes sektordyń saıası tanylýyn belgiledi jáne azamattyq qoǵamnyń ınstıtýttary men memlekettik organdardyń ózara is-qımylynyń júıeli tetigi qalyptasýynyń bastaýy boldy.
2005 jyly Elbasynyń qatysýymen bıznes-qaýymdastyqtardyń elimizdiń qoǵamdyq ómirine qatysýyna tartýǵa múmkindik bergen ekinshi Azamattyq forým ótti.
2007 jyly úshinshi Azamattyq forým ótti, ortalyq memlekettik organdar basshylary óz qyzmetteriniń negizgi baǵyttary jóninde azamattyq qoǵam ókilderiniń aldynda esep berýin engizýi onyń erekshe belgisi boldy.
IV Azamattyq forým Qazaqstannyń EQYU-daǵy tóraǵalyǵynyń qarsanynda ótkizildi jáne qazaqstandyq ÚEU-nyń jetistikterin kórsetýge, Qazaqstan Respýblıkasynda azamattyq qoǵamnyń damyǵan deńgeıi týraly halyqaralyq qoǵamdastyqty habardar etýge baǵyttalǵan bolatyn.
V Azamattyq forým táýelsizdiktiń 20 jylynda «úshinshi sektordyń» damýynyń qorytyndysyn shyǵarady, onyń kezekti kezeńge damýynyń perspektıvalaryn anyqtaıdy. Elbasy N.Á. Nazarbaevtyń Jarlyǵymen bekitilgen Qazaqstan Respýblıkasynda azamattyq qoǵamdy damytýdyń 2006-2011 jyldarǵa arnalǵan tujyrymdamasy mindetteriniń oryndalýyn baǵalaýy forýmnyń basty mindetteriniń biri bolyp tabylady.
Forýmǵa qatysýshylardyń sany 700 adamnan asady.
Forým qatysýlarynyń quramynda - óńirlik forýmdarda saılanǵan oblystardyń, Astana jáne Almaty qalalarynyń delegattary, saıası partııalardyń, kásibı odaqtardyń, BAQ, halyqaralyq jáne sheteldik ÚEU, ortalyq jáne jergilikti atqarýshy organdardyń ókilderi.
Búgingi kúni forýmǵa qatysýǵa Ulybrıtanııa, Kanada, Qyrǵyzstan jáne AQSh-tan 7 sheteldik ÚEU ókilderi nıet bildirdi.
Forým qatysýshylaryna Armenııa, Belarýs, Vengrııa, Danııa, Izraıl, Italııa, Qyrǵyzstan, Polsha, Túrkııa, Shveıtsarııa, Germanııa, Chehııa elderiniń 15 sheteldik úkimettik emes uıymdary quttyqtaýlaryn joldady.
2011 jyldyń 6 qazanynda:
- forým uıymdastyrýshylary men qatysýshylardyń baspasóz-máslıhaty (10.30 - 11.30);
- «Múmkindigi shekteýli azamattardyń quqyqtaryn saqtaý», «Áleýmettik jańartýdyń aqparattyq-kommýnıkatsııalaý júıesin engizý, aqparatqa qol jetimdilik», «ÚEU-daǵy salyq salý», «Qoǵamdyq monıtorıngtiń tetikteri», «Medıatsııa», «ÚEU qyzmetteriniń etıkalyq kodeksi», «Genderlik teńdik máselelerin ilgeriletýdegi ÚEU-nyń róli», «Ekstremızmniń aldyn alýǵa ÚEU-nyń qatysýy men róli» bilim berý-pikirsaıys sektsııalary (11.30-12.30);
- delegattar toptarynyń áleýmettik bloktaǵy mınıstrlikterge sapary (11.30-12.30);
- áleýmettik bloktaǵy mınıstrlerdiń Qazaqstan Respýblıkasynda azamattyq qoǵamdy damytýdyń 2006-2011 jyldarǵa arnalǵan tujyrymdamasyn iske asyrý boıynsha jumystary týraly kópshilik aldyndaǵy esepteri (14.30-15.40);
- «Qazaqstanda volonterlik mádenıetti damytý»; «Jergilikti ózin-ózi basqarý jáne turǵyn úı-kommýnaldyq sharýashylyq júıesin modernızatsııalaý»; «Salalyq memlekettik áleýmettik tapsyrysty jetildirý»; «Azamattyq qoǵam uıymdarynyń ekologııalyq qyzmet, qorshaǵan ortany qorǵaý jáne saqtaýdaǵy róli men qatysýy»; «Jergilikti qaýymdastyq qorlaryn jáne korporatıvti áleýmettik jaýapkershilikti damytý»; «ÚEU ınstıtýttaryn damytý: ÚEU qyzmetiniń quqyqtyq alańyn jáne standarttaryn jetildirý»; «Azamattyq qatysý, qoǵamdyq jáne sarapshylyq monıtorıngtaý pen baǵalaý»; «Atqarýshy jáne ókildi bılik janyndaǵy konsýltatıvti-keńestik organdardy damytý» dıalog alańdarynyń jumysyn (16.00-17.00) ótkizý máseleleri qaralady.
7 qazanda Qazaqstan Respýblıkasynyń Memlekettik hatshysy Q.B. Saýdabaevtyń qatysýymen V Azamattyq forýmnyń plenarlyq májilisi (11.00-12.00) jáne «Tanym»-«Prıznanıe» syılyǵynyń dástúrli marapattaý saltanaty (17.00-18.30) ótedi.
Forým qorytyndysy boıynsha memlekettik organdar, ÚEU jáne bıznes ókilderiniń birlesken jumysymen azamattyq qoǵamdy damytý jóninde budan ári tıimdi jumys jasaý úshin usynymdar men usynystar ázirlenetin bolady.
V Azamattyq forýmnyń usynymdary azamattyq qoǵamdy damytýdyń naqty negizi jáne azamattyq bastamalardy iske asyrý úrdisinde basty qujaty bolmaq.
Sondyqtan da V Azamattyq forým - 2011 jylǵy elimizdiń ómirindegi mańyzdy qoǵamdyq-saıası oqıǵalardyń biri.
