Erteń Astana qalalyq ІІD Aýǵanstannan Keńes áskerleriniń shyǵarylǵanyna 21 jyl tolýyna oraı is-shara ótkizedi
ASTANA. Aqpannyń 16-sy. QazAqparat /Marlan Jıembaı/ - Erteń elordanyń Almaty aýdandyq ishki ister basqarmasy jeke quramynyń aýǵan soǵysy ardagerlerimen kezdesýi ótedi. Bul týraly Astana qalalyq ІІD til saıasaty jáne aqparat bóliminiń bastyǵy Nurdildá Oraz málim etti.
Іs-shara barysynda qyzmettik mindetin oryndaý kezinde qaza tapqan ishki ister departamenti qyzmetkerleriniń eskertkishi aldyna gúl qoıý rásimi ótedi.
"Qazirgi kúni elordanyń ishki ister departamenti ózderiniń aýǵan soǵysy batyrlaryn maqtan tutady. Departamenttiń 6-y ardageri men qazir qyzmette júrgen 13 qyzmetkeri bar", deıdi N.Oraz.
Onyń aıtýyna qaraǵanda, olardyń barlyǵy da «Aýǵan halqynyń atynan», «Qarýly kúshterge 70 jyl", «Jaýynger-ınternatsıonalıst», «Aýǵanstannan Keńes áskerleriniń shyǵarylǵanyna 15 jyl» medaldarymen marapattalǵan. Sol bir surapyl soǵystardy bastarynan ótkergen olar áskerı mindetterin abyroımen atqaryp, elge aman-esen oraldy jáne óz qyzmetterin Astana qalalyq ishki ister organdary qatarynda jalǵastyrdy.
Aıta keteıik, aǵymdaǵy jyly Aýǵanstannan Keńes áskerleriniń shyǵarylǵanyna 21 jyl tolyp otyr.
