Erteń «Astana-Arenada» temperatýra 12 gradýsqa deıin jylynady
ASTANA. QazAqparat - ÝEFA Eýropa Lıgasynyń toptyq kezeńindegi besinshi týr aıasyndaǵy «Astana»-APOEL oıyny kezinde «Astana Arena» stadıonyndaǵy aýa temperatýrasy 12 gradýs jyly bolady, dep habarlaıdy QazAqparat.
«Stadıondaǵy aýa temperatýrasy12 gradýs jyly bolady. Jankúıerlerimizdi qýantý úshin bar kúshimizdi salyp oınaımyz. Ashat Taǵybergen, Anım Ibraım, Patrık Tvýması sııaqty myqty oıynshylardyń joǵyna qaramastan, maýsymnyń sońy ekenine qaramastan, komandadaǵy kóńil kúı jaqsy»,-dedi match aldyndaǵy baspasóz máslıhatynda «Astana» komandasynyń oıynshysy Azat Nurǵalıev.
Azat Nurǵalıevtiń ózi bolsa, alǵan jaraqatynan keıin ábden jazylyp, erteń baryn salyp oıyn kórsetýge daıyn. Sportshynyń aıtýynsha, APOEL «Astanaǵa» tanys top, sondyqtan, qonaqtardy jeńýge bolady.
«Astana» komandasy V tobynda sońǵy orynda tursa da, ÝEFA Eýropa Lıgasynyń 1/16 fınalyna shyǵatyndaı úmiti bar. Ol úshin «Astana» komandasy APOEL-di jeńim, «Olımpıakos» komandasynyń «ıAng Boız» komandasynan jeńilýin tileý.
«Astana»-APOEL arasyndaǵy match 24 qarasha kúni, keshki 22.00-de bastalady. Oıyn «Astana-Arena» stadıonynda ótedi. Oıyndy «Qazaqstan» arnasynyń tikeleı efırinen de tamashalaýǵa bolady.
