Erteń - Ashýra kúni
ASTANA. Jeltoqsannyń 26-sy. QazAqparat - Erteń, jeltoqsannyń 27-si - Ashýra kúni. Musylman kintizbesi boıynsha 1429 hıjra jylynyń 10-shy muharramy - Ashýra kúni - Allanyń Paıǵambarlary men Elshilerin eske túsirý kúni bolyp tabylady.
Ashýra - «ashara» sózinen shyqqan, maǵynasy - «on» degendi bildiredi. Bul kúni Muhammed paıǵambar adamdardy izgilikke shaqyryp, onyń shapaǵatty Uly kún ekenin aıtqan. Ashýra kúni tutylǵan oraza adamdy ótken jáne aldaǵy kúnálarynan tazartady dep sanalǵan. Al bul kúni syrqattyń halin baryp suraý - Adam atanyń barlyq balalaryn aralaǵanmen birdeı bolady eken. Bul kúni sýsaǵanǵa sý bergen adam - kúnásiz, pák adam sanalady, bul kúni tolyq jýynyp, dáret alǵan adam - kóptegen aýrý-syrqaýlardan, azap-tozaqtardan qorǵalady.
