Erteń Almatyda Jasóspirimder men qyzdar arasyndaǵy Eýrazııa sporttyq oıyndary bastalady
ASTANA. 15 qyrkúıek. QazAqparat - Aǵymdaǵy jyly 16-20 qyrkúıek aralyǵynda Almatyda Jasóspirimder men qyzdar arasyndaǵy úshinshi Eýrazııa sporttyq oıyndary ótedi.
QR Sport jáne deneshynyqtyrý isteri agenttigi tóraǵasynyń orynbasary Elsııar Qanaǵatovtyń aıtýynsha, uıymdastyrýshylar tarapynan barlyq jaǵdaı jasaldy.
Jasóspirimder men qyzdar arasyndaǵy úshinshi Eýrazııalyq sporttyq oıyndardyń reglamentine sáıkes sportshylar sporttyń 13 túrinen synǵa túsip, 232 medaldy sarapqa salady. Jarysqa Reseıden - 288, Qyrǵyzstannan - 175, Belarýssııadan - 100, Tájikstannan - 160, Qazaqstannan 297 sportshy qatysady. Jalpy, saıysqa 1000-nan astam adam qatyssa, onyń 700-i - sportshylar. Jarysqa 400 tóreshi tórelik etedi.
Sharanyń ashylý saltanaty «Suńqar» halyqaralyq tramplınder kesheninde 15 qyrkúıek kúni, saǵat 19:00-de ótedi dep josparlanǵan. Al, saıystar Balýan Sholaq atyndaǵy Sport saraıy, «Dostyq» sport kesheni, «Temir Dos» sport zaly, «Baǵanashyl» sport kesheni sekildi birneshe sport nysandarynda ótedi, dep jazady «Almaty aqshamy» gazeti.
